ရန်ကုန်၊ နိုဝင်ဘာ ၁၄
မန္တလေးတိုင်း၊ ပြည်ကြီးတံခွန်မြို့နယ်၊ ၁၁၅/၆၊ ၅၈၊ ရထားလမ်းဘေးနှင့် မြောင်းဘေးရှိ နေအိမ် ၃၀၀ ဝန်းကျင်ကို ယနေ့တွင် ကျူးကျော်ဟုဆိုကာ ယနေ့တွင် စစ်တပ်၊ ရဲနှင့် စည်ပင် ဖျက်ဆီးသွားကြောင်း သိရှိရသည်။
“ရထားလမ်းဘေးရော မြောင်းဘေးရော ရပ်ကွက်တွေ အကုန်ဖျက်တာပဲ။ အဖျက်ခံရတာ အိမ်ခြေ ၃၀၀ လောက်ရှိမယ်။ ဒီနေ့ ဖျက်နေကြတာ။ လာဖျက်တဲ့သူတွေက သေနတ်တွေနဲ့။ လုံခြုံရေးပေးပြီး ဖျက်ကြတာ။ လူတွေလည်း ငိုသူငိုပဲ။ ကမ္ဘာပျက်နေသလိုပါပဲ” ဟု ဒေသခံတစ်ဦးက ပြောဆိုသည်။
နိုဝင်ဘာလ ၉ ရက်နေ့ကလည်း မန္တလေးမြို့၊ အိုးဘိုနှင့် သူရဲစျေး ဘူတာကြားရှိ နေအိမ်ရာပေါင်းများစွာကို ကျူး ကျော်ဟုဆိုကာ စစ်တပ်က ချက်ချင်းဖျက်ခိုင်း သဖြင့် ပြည်သူ ၁၀၀၀၀ ကျော် အိုးမဲ့အိမ်မဲ့ဖြစ်သွားရကြောင်း သိရှိရသည်။
