ရန်ကုန်၊ ဒီဇင်ဘာ ၉
စစ်ကိုင်းတိုင်း၊ ကန့်ဘလူမြို့နယ်ရှိ ဝက်သအင်းရွာကို ဒီဇင်ဘာ ၉ ရက်နေ့ နံနက် ၇ နာရီခွဲ အချိန်တွင် ခမရ -၃၆၉ နှင့်ဝတ်ပျူစောထီးများ ဝင်ရောက် မီးရှို့ဖျက် ဆီးရာ ပြည်သူပိုင်နေအိမ် ၄၄ လုံး နှင့် စပါးကျီ ၃ လုံး မီးလောင် ပျက်စီး သွား ကြောင်း ဒေသပြည်သူများက ရန်ကုန်ခေတ်သစ်သို့ပြောသည်။
ကန့်ဘလူမြို့နယ်၊ ဝက်သအင်းကျေးရွာသည် အိမ်ခြေစုစုပေါင်း ၇၅ အိမ်ရှိပြီး စစ်တပ်က မီးရှို့ဖျက်ဆီးခြင်းကြောင့် အိမ်ခြေ ထက်ဝက်ကျော်မီးလောင် ပျက်စီး သွားကြောင်း သိရှိရသည်။
လတ်တလော ပြည်သူများထွက်ပြေးတိမ်းရှောင်နေရဆဲဖြစ်ပြီး စစ်တပ်က ကန့်ဘလူမြို့နယ်အတွင်း စစ်ကြောင်းထိုးလျက်ရှိကြောင်း သိရှိရသည်။
