ဒေါ်အောင်ဆန်းစုကြည်၏ လရောင်တော စိုက်ပျိုးရေး တာဝန်ခံ အမေရိကန် စိုက်ပျိုးရေး ပညာရှင် ကို စစ်ကောင်စီက ဖမ်းဆီးထောင်ချ ညှဉ်းပန်းနှိပ်စက်ခဲ့
———————————————————————-
“ဒေါ်အောင်ဆန်းစုကြည်အတွက် ရိက္ခာဝယ်ပို့ပေးနေလို့ အငြိုးထားပြီး စစ် ကြော ရေးမှာ မေးတယ်။ ပြီးတော့ညှင်းပန်း နှိပ်စက်တယ်”
ဒေါ်အောင်ဆန်းစုကြည်၏ လရောင်တောစိုက်ပျိုးရေးတာဝန်ခံ အမေရိကန် နိုင်ငံသား စိုက်ပျိုးရေးပညာရှင် ဦးကျော်ဌေးဦး နှင့်တွေ့ဆုံမေးမြန်းခြင်း (၁)
By ရန်ကုန်ခေတ်သစ်
ဒေါ်ခင်ကြည်ဖောင်ဒေးရှင်း၏ လရောင်တောစိုက်ပျိုးရေးတာဝန်ခံ စိုက်ပျိုးရေး ပညာရှင် မြန်မာနွယ်ဖွား အမေရိကန် နိုင်ငံသား ဦးကျော်ဌေးဦးက ပြီးခဲ့တဲ့ နိုဝင် ဘာ ၁၇ ရက်နေ့ နိုင်ငံတော် အတိုင်ပင်ခံ ဒေါ်အောင် ဆန်းစုကြည်ရဲ့ စီးပွား ရေး အကြံ ပေးဖြစ်သူ သြစတြေးလျ နိုင်ငံသား ဒေါက်တာ ရှောင် တာနဲယ်၊ အရင် မြန်မာ နိုင်ငံဆိုင်ရာ ဗြိတိန် သံအမတ်ဟောင်း ဗစ်ကီ ဘိုးမန်း၊ မှတ်တမ်း တင် ဗီဒီယို ရိုက်ကူးသူ ဂျပန်နိုင်ငံသား တိုရူ ကူဘိုတာ တို့နဲ့ အတူ ပြန်လည် လွတ် မြောက်လာခဲ့ပါတယ်။
အမေရိကန်နိုင်ငံသား စိုက်ပျိုးရေးပညာရှင် ဦးကျော်ဌေးဦးကို အကြမ်းဖက် စစ်ကောင်စီက ဘာကြောင့် ဖမ်း ဆီး ခဲ့တာလဲ၊ ကမ္ဘာပေါ်မှာ အရက်စက်ဆုံး လို့ ပြောရမယ့် အကြမ်းဖက်စစ်ကောင်စီရဲ့ စစ်ကြောရေးကို ဘယ်လိုဖြတ် သန်းခဲ့ ရလဲ စတဲ့အကြောင်း အရာတွေကို ရန်ကုန်ခေတ်သစ်က မေးမြန်းတင်ဆက် ထား ပါတယ်။
