ရန်ကုန်၊ ဖေဖော်ဝါရီ ၂၀
စစ်ကိုင်းတိုင်း ကနီမြို့နယ် အိုင်တောင်အနောက်ရွာရှိ ပြည်သူပိုင် နေအိမ်များကို အင်အား ၅ဝခန့်ရှိသော အကြမ်းဖက် စစ်ကောင်စီ တပ်ဖွဲ့များက ယနေ့ ဖေဖော်ဝါရီလ ၂ဝရက်နေ့ ညနေပိုင်းတွင် မီးရှို့ဖျက်ဆီးနေကြောင်း ဒေသခံပြည်သူများက ရန်ကုန်ခေတ်သစ် မီဒီယာသို့ ပြောဆိုသည်။
လက်ရှိချိန်တွင် ကျေးရွာအတွင်း အကြမ်းဖက် စစ်ကောင်စီ တပ်ဖွဲ့များ တပ်စွဲထားသောကြောင့် ဒေသခံပြည်သူများ မီးငြိမ်းသတ်နိုင်ခြင်း မရှိသေးဘဲ ထောင်နှင့် ချီသော ဒေသခံ ပြည်သူများ ဘေးလွတ်ရာသို့ ထွက်ပြေးတိမ်းရှောင် နေရကြောင်း သိရသည်။
