မြန်မာနိုင်ငံတွင် မကြာသေးမီက ဖွဲ့စည်းလိုက်သော ဖက်ဒရယ်ဒီမိုကရေစီဦးဆောင်ကောင်စီ (SCEF) က ပြည် တွင်းနိုင်ငံရေးနှင့် လက်နက်ကိုင်တော်လှန်ရေးစုကြီးတစ်ခုလုံးကို ဦးဆောင်ပုံဖော်ကြရန်နှင့် ပိုမိုအားကောင်းသည့် “ဦးဆောင်ကောင်စီ” ဖြစ်လာစေရန် ထပ်မံတိုးချဲ့သွားမည်ဖြစ် ကြောင်း အမျိုးသားညီညွတ်ရေးအစိုးရ (NUG) နိုင်ငံတော်ယာယီသမ္မတ ဒူဝါလရှီးလက တရားဝင်ကြေညာလိုက်သည်။

ယနေ့ ဇွန်လ ၁ ရက်နေ့တွင် ကျင်းပသည့် ပြည်ထောင်စုလွှတ်တော် ဒုတိယအကြိမ် အစည်းအဝေး၌ မိန့်ခွန်းပြောကြားစဉ် ၎င်းက ယခုကဲ့သို့ ထည့်သွင်းကြေညာခဲ့ခြင်း ဖြစ်သည်။

ဖက်ဒရယ်ဒီမိုကရေစီဦးဆောင်ကောင်စီ (SCEF) ဖွဲ့စည်းမှုနှင့် ပတ်သက်၍ ယာယီသမ္မတ ဒူဝါလရှီးလက “သိပ်မကြာခင်က၊ ကျွန်တော်တို့အနေနဲ့ SCEF လို့ ခေါ်တဲ့ ဖက်ဒရယ်ဒီမိုကရေစီဦးဆောင်ကောင်စီကို စုပေါင်းဖွဲ့စည်းလိုက်တာ ရှိပါတယ်။ ကျွန်တော်တို့ အနေနဲ့ SCEF ရဲ့ အခန်းကဏ္ဍကို ကျယ် ကျယ်ပြန့်ပြန့်၊ လေးလေးနက်နက် နားလည်သဘောပေါက်ဖို့ လိုတယ်လို့ ယူဆပါတယ်။ အထူးသဖြင့် တော်လှန်ရေး မဟာမိတ်အင်အားစုတွေကို ဦးဆောင်မှုထီးရိပ်တစ်ခုတည်းအောက်မှာ ဝိုင်းဝန်းပုံဖော်ကြဖို့ ရည်ရွယ်ပါတယ်။ ပြည်တွင်းနိုင်ငံရေးနဲ့ လက် နက်ကိုင်တော်လှန်ရေးစုကြီးတစ်ခုလုံးကို၊ တာဝန်ယူမှု / တာဝန်ခံမှုရှိရှိနဲ့ ဦးဆောင်ပုံဖော်ကြဖို့ ဖြစ်ပါတယ်”ဟု ပြောဆိုသည်။

ထို့ကြောင့် စစ်အာဏာရှင် တော်လှန်ရေးကြီးတစ်ခုလုံး ပြီးမြောက်အောင်မြင်အောင် ဝိုင်းဝန်းပံ့ပိုးပေးရန်နှင့် နိုင်ငံတကာတွင်လည်း SCEF ၏ ဦးဆောင်မှုကို တိုးတက်စေရန် ဝိုင်းဝန်းကူညီပေးစေလိုကြောင်း ၎င်းက ပြည်ထောင်စုလွှတ်တော်ကိုယ်စားလှယ်များကို တိုက်တွန်းသည်။

“အခုဆိုရင် SCEF မှာ မပါဝင်နိုင်သေးတဲ့ တိုင်းရင်းသား အဖွဲ့အစည်းကြီးတွေ အပါအဝင်၊ နိုင်ငံရေးပါတီတွေလည်း ရှိနေသေးတယ်လို့ ပြောချင်ပါတယ်။ အဲဒီအတွက် ပိုမိုစုဖွဲ့မှု အားကောင်းတဲ့ “ဦးဆောင်ကောင်စီ” တစ်ခုဖြစ်အောင် ထပ်မံ တိုးချဲ့ဖို့ ဖြစ်ပါတယ်။ အဲဒီအတွက် ကျွန်တော်တို့အားလုံးမှာ ညီညွတ်မှုနဲ့ ကြံ့ကြံ့ခံနိုင်စွမ်းက အရေးကြီး ပါတယ်။ ညီညွတ်မှု မရှိရင်၊ ကျွန်တော်တို့မှာ ကြံ့ကြံ့ခံနိုင်စွမ်း နိမ့်ပါးလာမယ်ဆိုတာ သတိချပ်ဖို့ ဖြစ်ပါတယ်။ ကြံ့ကြံ့ခံနိုင်စွမ်း ဘယ်လောက်ပဲ ရှိသည်ဖြစ်စေ၊ ညီညွတ်မှု မရှိရင် ကျွန်တော်တို့ဟာ ပြိုလဲဖို့ လွယ်ကူနိုင်ပါတယ်။ ကျွန်တော်တို့ အနေနဲ့ အင်မတန် အကဲဆတ်ပြီး၊ အချိုးအကွေ့မြန်ဆန်တဲ့ ဒီလို အချိန်မျိုးမှာ၊ မိမိတို့ရဲ့ နိုင်ငံရေးအသိ ၊သတိကို၊ မြဲမြဲမြံမြံဆုပ်ကိုင်ပြီး၊ ပူးပေါင်းဆောင်ရွက်ကြဖို့ ဖြစ်ပါတယ်”ဟု နိုင်ငံတော်သမ္မတ ဒူဝါလရှီးလက သတိပေးသည်။

လက်ရှိအချိန်သည် နွေဦးတော်လှန်ရေး ၅ နှစ်ကျော်ကာလသို့ ရောက်ရှိလာခဲ့ပြီဖြစ်သော်လည်း ပြည်သူက အပ်နှင်းထားသည့် လုပ်ငန်းတာဝန်များကို ဆက်လက်ထမ်းဆောင်နေရဆဲဖြစ်သလို ဖက်ဒရယ်ဒီမိုကရေစီနိုင်ငံတော်သစ် ထူထောင်ရေး လုပ်ငန်းစဉ်ကြီးကိုလည်း တစ်ဆင့်ချင်းစီ အုတ်မြစ်ချနေကြရကြောင်း ၎င်းက ဆက်လက်ပြောဆိုသည်။

NUG အစိုးရအနေဖြင့် တော်လှန်ရေးအင်အားစုများကို ပန်းတိုင်တစ်ခု၊ ရည်ရွယ်ချက်တစ်ခု၊ မဟာ ဗျူဟာတစ်ခု၊ မူတစ်ခုတည်းအောက်တွင် စုစည်းချိတ်ဆက်နေပြီး စစ်ရေးရည်မှန်းချက်များ အကောင် အထည်ဖော်နိုင်ရန် အမိန့်ပေးကွပ်ကဲမှုတစ်ခုတည်းအောက်၌ စစ်ဒေသလိုက် ဦးစီးကွပ်ကဲနိုင်ရန် ကြိုးစားနေကြောင်း ထည့်သွင်းပြောကြားသည်။

မြန်မာနိုင်ငံတွင် စစ်အာဏာသိမ်းမှုဖြစ်တိုင်း နောက်ဆက်တွဲဆိုးကျိုးများကို နှစ်ပေါင်းများစွာ ခံစားခဲ့ရပြီး ၂၀၂၁ စစ်အာဏာသိမ်းမှုကြောင့်လည်း တိုင်းပြည်မှာ ကမ္ဘာ့အလယ်တွင် မျက်နှာမဖော်ဝံ့အောင် ဖြစ်ခဲ့ရကြောင်း၊ ထို့ကြောင့် စစ်အာဏာရှင်စနစ် ချုပ်ငြိမ်းပပျောက်ရေးနှင့် ဖက်ဒရယ်ဒီမိုကရေစီပြည်ထောင်စုသစ် တည်ဆောက်ရေးဟူသည့် ပြည်သူ့လုပ်ငန်းစဉ်များကို အကောင်အထည်ဖော်ရန် စုစည်းညီညွတ်မှုကို ပြသကြရမည်ဖြစ်ကြောင်း ၎င်းက ဆိုသည်။

ယာယီသမ္မတ ဒူဝါလရှီးလက ပြည်ထောင်စုလွှတ်တော် ကိုယ်စားလှယ်ကြီးများအနေဖြင့် တော် လှန်ရေးကိုယ်ခံအားနှင့် နိုင်ငံရေးသက်လုံကို မြှင့်တင်ထားကြရန်၊ စစ်မှန်သော ပြည်သူ့ကိုယ်စားပြုမှုကို ခံယူရင်း ပြည်သူက အပ် နှင်းထားသည့် တာဝန်များကို ကျေကျေပွန်ပွန် ဆက်လက်ထမ်းရွက်ကြရန် တိုက်တွန်းပြောဆိုသည်

The post ပြည်တွင်းနိုင်ငံရေးနှင့် လက်နက်ကိုင်တော်လှန်ရေးစုကြီးတစ်ခုလုံးကို ဦးဆောင်မည့် အားကောင်းသည့် ဖက်ဒရယ်ဒီမိုကရေစီ ဦးဆောင်ကောင်စီ-SCEF ဖြစ်လာရန် ထပ်မံ တိုးချဲ့ဖွဲ့စည်းမည်ဟု NUG သမ္မတက ကြေညာ appeared first on Khit Thit Media.

စစ်ခေါင်းဆောင် မင်းအောင်လှိုင်၏ အိန္ဒိယနိုင်ငံ ခရီးစဉ်အပေါ် မြန်မာပြည်သူ လူထုက များစွာစိုးရိမ်ပူပန်မိပြီး ကန့်ကွက်ကြောင်း ဖော်ပြထားသည့် အမျိုးသားညီညွတ်ရေးအစိုးရ (NUG) ၏ သဝဏ်လွှာကို နိုင်ငံခြားရေးဝန်ကြီးဒေါ်ဇင်မာအောင်က အိန္ဒိယနိုင်ငံခြားရေးဝန်ကြီး Subrahmanyam Jaishankar ထံသို့ ပေးပို့လိုက်ကြောင်း သိရသည်။

မေလ ၂၇ ရက်နေ့ ပေးလိုက်သော အဆိုပါ ကန့်ကွက်သဝဏ်လွှာတွင် မြန်မာနိုင်ငံအနေဖြင့် ၂၀၂၁ ခုနှစ် မတရားအာဏာသိမ်းခံရချိန်မှစတင်ကာ ရေရှည်ပဋိပက္ခများ၊ မတည်ငြိမ်မှုများနှင့် ကြီးမားလှသည့် လူသားချင်းစာနာထောက်ထားမှုဆိုင်ရာ ဒုက္ခဝေဒနာများကို ခံစားနေရကြောင်း၊ ယင်းကဲ့သို့သော အခြေအနေများတွင် စစ်အုပ်စုကို နိုင်ငံရေးအရ တရားဝင်မှုပေးသည်ဟု ရှုမြင်နိုင်သည့် မည်သည့် ထိတွေ့ဆက်ဆံမှုမျိုးကိုမဆို မပြုလုပ်သင့်ကြောင်း ကန့်ကွက်ဖော်ပြထားသည်။

ထို့အပြင် စစ်ကောင်စီ၏ ထိန်းချုပ်မှုအောက်တွင် ပြုလုပ်သည့် မည်သည့်အတုအယောင်ရွေး ကောက် ပွဲမျိုးမဆို ၂၀၂၀ ပြည့်နှစ် အထွေထွေရွေးကောက်ပွဲ၏ တရားဝင်မှုကို ကျော်လွန်နိုင်ခြင်းမရှိကြောင်း၊ စစ်အာဏာရှင်စနစ် သက်ဆိုးရှည်အောင် ပုံဖော်ပေးမည့် အဆိုပါရွေးကောက်ပွဲကို အိန္ဒိယနိုင်ငံအနေဖြင့် မထောက်ခံရန် တောင်းဆိုထားသည်။

အိန္ဒိယနိုင်ငံမှာ ဒီမိုကရေစီနည်းကျ အုပ်ချုပ်ရေး၊ တရားဥပဒေစိုးမိုးရေးနှင့် ဒေသတွင်းတည်ငြိမ်ရေးတို့ကို ရေရှည်လက်ကိုင်ထားခဲ့သည့် နိုင်ငံဖြစ်သောကြောင့် မြန်မာနိုင်ငံတွင် စစ်အာဏာရှင်စနစ်ကို ပုံမှန်လိုမျိုး ဖြစ်သွားစေမည့် သို့မဟုတ် တရားဝင်မှုပေးသလို ဖြစ်စေမည့် ထိတွေ့ဆက်ဆံမှုများ၏ နောက်ဆက်တွဲ သက်ရောက်မှုများကို သေချာစွာ စဉ်းစားချင့်ချိန်ပေးရန် NUG က တိုက်တွန်းထားသည်။

နိုင်ငံတော်အာဏာကို အဓမ္မလုယူ၍ ထူထောင်ထားသည့် ဖွဲ့စည်းပုံအခြေခံဥပဒေနှင့်မညီသော စံနမူနာဆိုးကို အားမပေးရန်လည်း NUG က မေတ္တာရပ်ခံထားသည်။

နှစ်နိုင်ငံအကြား ရေရှည်ချစ်ကြည်ရေးသည် ပြည်သူအချင်းချင်းကြားက နက်ရှိုင်းသည့် သံယောဇဉ်များပေါ်တွင် အခြေခံနေခြင်းဖြစ်ပြီး၊ ရေရှည်တည်တံ့သော မိတ်ဖက်ပြုမှုဆိုသည်မှာ မျှဝေခံစားတတ်သည့် ဒီမိုကရေစီတန်ဖိုးများနှင့် ပြည်သူလူထု၏ ဆန္ဒအပေါ် လေးစားမှုများဖြင့်သာ အကောင်းဆုံး တည်ဆောက်နိုင်မည်ဖြစ်ကြောင်း NUG ၏သဝဏ်လွှာတွင် အခိုင်အမာ ဖော်ပြထားသည်။

ထို့ကြောင့် အိန္ဒိယနိုင်ငံအနေဖြင့် ဒီမိုကရေစီအခြေခံမူများ၊ ငြိမ်းချမ်းရေး၊ လူ့အခွင့်အရေးနှင့် မြန်မာပြည်သူတို့၏ မျှော်မှန်းချက်များကို အလေးထားသည့် နည်းလမ်းမျိုးဖြင့်သာ ဆက်လက်ထိတွေ့ဆက်ဆံပေးရန်နှင့် ယခုကဲ့သို့ အရေးကြီးသည့် အချိန်အခါမျိုးတွင် မြန်မာပြည်သူများနှင့်အတူ ရပ်တည်ပေးခြင်းဖြင့် နောင်အနာဂတ် နှစ်နိုင်ငံအကြား ပိုမိုနက်ရှိုင်းပြီး ခိုင်မာသည့် မိတ်ဖက်ပြုမှုအတွက် အခြေခံအုတ်မြစ်ကို ခိုင်မာစေမည်ဖြစ်ကြောင်း NUG က တောင်းဆိုထားသည်။

ဓာတ်ပုံ- အိန္ဒိယနိုင်ငံခြားရေးဝန်ကြီး Subrahmanyam Jaishankar နှင့် NUG နိုင်ငံခြားရေးဝန်ကြီး ဒေါ်ဇင်မာအောင်။

The post အကြမ်းဖက် မင်းအောင်လှိုင်၏ အိန္ဒိယခရီးစဉ်အပေါ် ကန့်ကွက်ဟု အိန္ဒိယနိုင်ငံခြားရေးဝန်ကြီးထံသို့ NUG အစိုးရက သဝဏ်လွှာပေးပို့ appeared first on Khit Thit Media.

စစ်ကိုင်းတိုင်း၊ မုံရွာမြို့အခြေစိုက် အနောက်မြောက်တိုင်း စစ်ဌာနချုပ် -နမခ အတွင်းသို့ ၁၀၇ မမ ရှော့တိုက်ဒုံးများဖြင့် ပစ်ခတ်တိုက်ခိုက်ခဲ့ရာ အရာရှိကြီးအချို့အပါအဝင် ၈ ဦးခန့် သေဆုံးခဲ့ကြောင်း NUG အစိုးရ ၊ ပြည်ထဲ ရေးနှင့်လူဝန်မှုကြီးကြပ်ရေးဝန်ကြီးဌာန ဒုဝန်ကြီးဦးကျော်နီက ရန်ကုန်ခေတ် သစ်သတင်းဌာနထံသို့ ပြောကြားသည်။

မေလ ၁၉ ရက် ည ၉ နာရီ ၅၅ မိနစ်က မုံရွာမြို့နယ်အခြေစိုက် အနောက်မြောက်တိုင်းစစ်ဌာနချုပ် (နမခ) အတွင်းသို့ ပြည်သူ့ကာကွယ်ရေး တပ်ဖွဲ့ဝင်များက ၁၀၇ မမ ရှော့တိုက်ဒုံး ၅ လုံးဖြင့် တိုက် ခိုက်ခဲ့ရာ ၄ လုံးမှာ တိုင်းစစ်ဌာနချုပ်အတွင်း ကျရောက်ပေါက်ကွဲခဲ့ပြီး အရာရှိကြီးတချို့အပါအဝင် ၈ ဦးခန့် သေဆုံးပြီး ၂၀ ဦးခန့် ထိခိုက်ဒဏ်ရာရရှိကာ အဆောက်အအုံပျက်စီးဆုံးရှုံးမှုများလည်းရှိ ကြောင်း သိရသည်။

“သတင်းပေးပို့ချက်အရ ဗဟိုကင်းနား ကျရောက်ပေါက်ကွဲတာကြောင့် ၂၀ ကျော် ဒဏ်ရာရပြီး ၈ ဦး လောက် သေဆုံး တယ်လို့ သိရပါတယ်။” ဟု NUG အစိုးရ ၊ ပြည်ထဲရေးနှင့်လူဝန်မှုကြီးကြပ်ရေး ဝန် ကြီးဌာန ဒုဝန်ကြီးဦးကျော်နီက ရန်ကုန်ခေတ် သစ်သတင်းဌာနထံသို့ ပြောကြားသည်။

အဆိုပါ တိုက်ခိုက်မှုကို ပြည်သူ့ရဲတပ်ဖွဲ့၊ လုံခြုံရေးနှင့် ပြည်ထဲရေးနှင့်လူဝင်မှုကြီးကြပ်ရေး ဝန်ကြီး ဌာန၊ အကြမ်းဖက်နှိမ်နင်းရေးဌာနကြီး (SSTF) ၊ Justice Brothers Force ၊ ရွှေတြိဂံမဟာမိတ်တပ် ရင်း နှင့် ဆားတောင်မိုးကြိုးအဖွဲ့တို့ ပူးပေါင်းကာ တိုက်ခိုက်ခဲ့ခြင်းဖြစ်ကြောင်း သိရသည်။

“တော်လှန်ရေးဆိုတာ အင်မတန်ကြမ်းတမ်းတဲ့ လူမှုအပြောင်းအလဲကြီးတခုပါ။ လူ့အဖွဲ့အစည်းသစ် ကို မွေးဖွားနေတဲ့ အချိန်ဖြစ်ပါတယ်။ ဒါကြောင့် အမိနိုင်ငံတော်မှာ နာကျင်မှုတွေ အပြင်းထန်ဆုံး ခံစား နေရမှာပါ။ ပြည်သူတွေအနေနဲ့ ဒီအခြေအနေကို စိတ်ဓာတ်ခိုင်ခိုင်မာမာနဲ့ ဆက်လက်ဖြတ် သန်းဖို့ တိုက်တွန်းလိုပါတယ်။ ပြည်သူ လူထုကသာ သမိုင်းဖန်တီးသူပါ။ တိုက်တွန်း စရာမလိုအောင် ကို ပြည် သူလူထုဟာ ခိုင်မာတဲ့စိတ်ဓာတ်နဲ့ တော်လှန်ရေးမှာ ပါဝင်နေတယ်လို့ ကျနော်ယုံပါတယ်။” ဟု NUG အစိုးရ ၊ ပြည်ထဲရေးနှင့်လူဝန်မှုကြီးကြပ်ရေးဝန်ကြီးဌာန ဒုဝန်ကြီးဦးကျော်နီက ပြောဆို သည်။

ပြည်သူ့ကာကွယ်ရေးတပ်ဖွဲ့ဝင်များ အနေဖြင့် စစ်အာဏာရှင်အား အမြစ်ပြတ်သည်အထိ ဆက်လက် တိုက်ပွဲဝင်သွားမည်ဖြစ်ပြီး မိဘပြည်သူလူထုအနေဖြင့် စိတ်ဓာတ်ခိုင်ခိုင်မာမာဖြင့် တော်လှန်ရေး အောင်မြင်ပြီးဆုံးသည်အထိ ပူးပေါင်းပါဝင်ပေးကြပါရန် တိုက်တွန်းထားသည်။

The post မုံရွာမြို့အခြေစိုက် အနောက်မြောက်တိုင်း စစ်ဌာနချုပ်- နမခ အတွင်းသို့ ၁၀၇ မမ ရှော့တိုက်ဒုံးများဖြင့် တိုက်ခိုက်မှု အရာရှိကြီးအချို့အပါအဝင် ၈ ဦးခန့် သေဆုံးဟု NUG ပြည်ထဲရေးဒုဝန်ကြီးပြော appeared first on Khit Thit Media.

အာဆီယံထိပ်သီးအစည်းအဝေးများသို့ တက်ရောက်ခွင့်မရသည့်အပေါ် အာဆီယံနှင့် နိုင်ငံတကာကို ပြစ်တင်ရှုတ်ချနေသော စစ်ကောင်စီ၏ လုပ်ရပ်မှာ “သူခိုးက လူဟစ်” သည့် လုပ်ရပ်သာဖြစ်ကြောင်း အမျိုးသားညီ ညွတ်ရေးအစိုးရ (NUG) က ပြင်းပြင်း ထန်ထန် တုံ့ပြန်ဝေဖန်လိုက်ပြီး၊ စစ်အုပ်စုအား နိုင်ငံရေးအရ အသိအမှတ်မပြုကြရန် နိုင်ငံတကာအသိုင်းအဝိုင်းကို ထပ်မံသတိပေး တိုက်တွန်းလိုက်သည်။

စစ်ခေါင်းဆောင် မင်းအောင်လှိုင်အနေဖြင့် အတုအယောင် ရွေးကောက်ပွဲများကျင်းပကာ အမည်ခံ သမ္မတရာထူး တံဆိပ်ကပ်ရုံဖြင့် အခြေအနေများ ပြောင်းလဲသွားမည်မဟုတ်ကြောင်း NUG ဝန်ကြီးချုပ် ပြောရေးဆိုခွင့်ရှိသူ ဦးနေဘုန်းလတ်က ပြောဆိုသည်။

“သူခိုးက လူဟစ်တယ်ပဲ ပြောရမှာပေါ့၊ ဒီတရားမဝင် အတုအယောင် ရွေးကောက်ပွဲကြီး လုပ်ပြီးတော့ ကိုယ့်ဘာသာကိုယ် သမ္မတ ရာထူးတပ်လိုက်၊ တံဆိပ်ကပ်လိုက်ရုံနဲ့ ဘာမှ ပြောင်းလဲသွားမှာမဟုတ်ဘူး။ ဒီမင်းအောင် လှိုင်နဲ့တကွ စစ်အာဏာရှင်တွေ ကျူးလွန်ခဲ့တဲ့ စစ်ရာဇဝတ်မှုတွေ၊ နိုင်ငံတော် ပုန်ကန်မှုတွေက ကိုယ့်ကိုကိုယ် သမ္မတ တံဆိပ်ကပ်ပြီး အသွင်ပြောင်းလိုက်ရုံနဲ့ အားလုံးပြီးသွားမှာ မဟုတ်ဘူး။ သူကျူးလွန်ခဲ့တဲ့ ပြစ်မှုတွေအတွက် ထိုက်သင့်တဲ့ ပြစ်ဒဏ်ကို မဖြစ်မနေ ကျခံရမှာဖြစ်တယ်”ဟု ဦးနေဘုန်းလတ်က ပြောဆိုသည်။

NUG ၏ ယမန်နေ့ညပိုင်း ထုတ်ပြန်ချက်တွင် စစ်အုပ်စုသည် ၂၀၂၀ ပြည့်နှစ် ရွေးကောက်ပွဲရလဒ်များကို အာဏာ သိမ်း၍ ပယ် ဖျက်ခဲ့ပြီးမှ ယခုအခါတွင် ရွေးကောက်ပွဲရလဒ်များကို လေးစားရန် တောင်းဆိုနေခြင်းမှာ ရှေ့နောက်မညီဘဲ နိုင်ငံရေးအရ ရိုးသားမှုမရှိသည့် လုပ်ရပ်ဖြစ်ကြောင်း ဝေဖန်ရှုတ်ချထားသည်။

“ရွေးကောက်ပွဲရလဒ်များကို လေးစားရန် ယခုအခါတွင် တောင်းဆိုနေသော အဆိုပါ စစ်ခေါင်းဆောင်များသည် မြန်မာနိုင်ငံ၏ ၂၀၂၀ ပြည့်နှစ် အထွေထွေရွေးကောက်ပွဲမှ သောင်ပြိုကမ်းပြို အနိုင်ရရှိခဲ့သော ရွေးကောက်ပွဲရလဒ်များကို တရားမဝင် စစ်အာဏာသိမ်းရန် ကြိုးပမ်းမှုဖြင့် ပယ်ဖျက်ခဲ့သော အဖွဲ့အစည်း ဖြစ်ပါသည်။”ဟု NUG က ဝေဖန်ထောက်ပြထားသည်။

စစ်အုပ်စုအပေါ် ထားရှိသည့် အာဆီယံ၏ လက်ရှိရပ်တည်ချက်သည် စစ်ကောင်စီက ဘုံသဘောတူညီချက် ၅ ရပ်ကို အကောင် အထည်ဖော်ရန် လုံးဝပျက်ကွက်နေခြင်းကြောင့် ဖြစ်ပေါ်လာသည့် တိုက်ရိုက်အကျိုးဆက်ဖြစ်ကြောင်း NUG က ထောက်ပြသည်။

ထို့အပြင် စစ်အာဏာရှင်လက်အောက်တွင် ကျင်းပသည့် မည်သည့်ရွေးကောက်ပွဲမဆို လွတ်လပ်၍ တရားမျှတမှုမရှိသည့် အတုအယောင်လုပ်ငန်းစဉ်သာ ဖြစ်သည်ဟု NUG က ဆိုသည်။

NUG က နိုင်ငံတကာသို့ တိုက်တွန်းရာတွင် “အာဆီယံ၊ ကုလသမဂ္ဂနှင့် နိုင်ငံတကာအသိုင်းအဝိုင်းအနေဖြင့် အနာဂတ် ဖက်ဒရယ် ဒီမိုကရေစီ အသွင်ကူးပြောင်းရေးအတွက် မြန်မာပြည်သူလူထု၏ မျှော်မှန်းချက်များကို ဆက်လက်၍ အခိုင်အမာ ထောက်ခံပေးကြပါရန်နှင့် နိုင်ငံရေးအရ တရားဝင်မှု ရရှိရန် ကြိုးပမ်းနေသော စစ်အုပ်စု၏ လုပ်ရပ်များကို အသိအမှတ်မပြုရန် တိုက်တွန်းတောင်းဆိုအပ်ပါသည်။”ဟု တိုက်တွန်းထားသည်။

မြန်မာနိုင်ငံ၏ နိုင်ငံရေးပြဿနာကို အတင်းအကျပ် ကျင်းပသော အတုအယောင် ရွေးကောက်ပွဲများဖြင့် ဖြေရှင်း၍ ရနိုင်မည်မဟုတ်ဘဲ၊ ပြည်သူတို့၏ အချုပ်အခြာအာဏာအပေါ် အခြေခံသည့် အားလုံးပါဝင်နိုင်သော နိုင်ငံရေးအကူးအပြောင်းမှတစ်ဆင့်သာ အခြေခံကျကျ ဖြေရှင်းနိုင်မည်ဖြစ်ကြောင်း အမျိုးသားညီညွတ်ရေးအစိုးရက သတိပေးထားသည်။

The post အာဆီယံထိပ်သီးအစည်းအဝေး တက်ခွင့်မရ၍ စစ်အုပ်စုက အာဆီယံအပေါ် ပြစ်တင်ရှုတ်ချမှုမှာ “သူခိုးက လူဟစ်” လုပ်ရပ်ဟု NUG ဝေဖန်၊ မြန်မာစစ်တပ်ကို အသိအမှတ်မပြုရန် နိုင်ငံတကာကို ထပ်မံတိုက်တွန်း appeared first on Khit Thit Media.

စစ်အာဏာရှင်စနစ်ကို တော်လှန်တိုက်ခိုက်နေသော အမျိုးသားညီညွတ်ရေးအစိုးရ-NUG က အရေးကြီးသော အခန်းကဏ္ဍတွင် ရှိနေပြီး ရှင်းလင်းသော နိုင်ငံရေး အနာဂတ်တစ်ခုအတွက် အားလုံး စုစည်းမိကြရန် မျှော်လင့်ကြောင်း AA စစ်ဦးစီးချုပ် ဗိုလ်ချုပ် ထွန်းမြတ်နိုင်က ပြောဆိုလိုက်သည်။

မေလ ၄ ရက်နေ့ ထုတ်ပြန်သော The Diplomat သတင်းစာနှင့်တွေ့ဆုံမေးမြန်းခန်းတွင် AA စစ်ဦးစီးချုပ်က အထက်ပါအတိုင်း ထုတ်ဖော်ပြောဆိုလိုက်ခြင်းဖြစ်သည်။

“အမျိုးသားညီညွတ်ရေးအစိုးရ (NUG) ဟာ အရေးပါတဲ့ အခန်းကဏ္ဍမှာ ရှိပါတယ်။ ကျနော်တို့ သူတို့ကို လေး စားပါတယ်။ တခြား အစုအဖွဲ့တွေလည်း ရှိပါသေးတယ်။ အားလုံးက ရှင်းလင်းတဲ့ နိုင်ငံရေး အနာဂတ်တစ်ခုအတွက် စုစည်းမိကြဖို့ ကျနော်တို့ မျှော်လင့်ပါတယ်။ အခု အခြေအနေကတော့ ခန့်မှန်းရခက်နေတုန်းပါပဲ။ မြန်မာစစ်တပ်က ကျင့်သုံးနေတဲ့ နည်းဗျူဟာတွေကြောင့် သွေးထွက်သံယိုမှုတွေ ပိုရှိလာနိုင်ပါတယ်” ဟု ဗိုလ်ချုပ်ထွန်းမြတ်နိုင်က ပြောဆိုသည်။

လက်ရှိတွင် စစ်တပ်က ပြည်သူများကို ဗုံးကျဲမှုများရှိနေကြောင်း၊ ဗုံးကျဲမှုများရှိနေချိန်တွင် နိုင်ငံရေး ဆွေးနွေးမှုများ လုပ်ဆောင်ရန် မဖြစ်နိုင်ကြောင်း၊ စစ်တပ်က အင်အားအသာဖြင့် ဖိအားပေးသော နည်းလမ်းကို အသုံးပြုနေကြောင်း သူက ပြောဆိုသည်။

“နိုင်ငံရေးအရ တွေ့ဆုံဆွေးနွေးတာနဲ့ တည်ငြိမ်မှုရှိတာဟာ လူတိုင်းရဲ့ အကျိုးစီးပွားပါပဲ။ ကျနော်တို့ နိုင်ငံရေးအရ ရင့်ကျက်ဖို့ လိုပါတယ်/ အရပ်သားတွေရဲ့ ဘေးကင်းလုံခြုံရေးက ကျနော်တို့ရဲ့ ဦးစားပေးပါ။ အရပ်သားတွေကို ထိရောက်စွာ အကာအကွယ်ပေးနိုင်ဖို့ နည်းလမ်းမှန်သမျှကို ရှာဖွေနေပါတယ်။ ဒါဟာ ခက်ခဲပါတယ်။ ဒီလေ ကြောင်းဗုံးကြဲမှုတွေကို မှတ်တမ်းတင်နိုင်ဖို့ နိုင်ငံတကာအသိုက်အဝန်းနဲ့ ပူးပေါင်းလုပ်ဆောင်နေပေမဲ့ သိပ်ပြီးတော့ ထိရောက်မှု မရှိသေးပါဘူး။ ဒါဟာ အလွန်ပြင်းထန်တဲ့ လူသားချင်းစာနာထောက်ထားမှုဆိုင်ရာ စိုးရိမ်စရာ ကိစ္စပါ။ ဒါကြောင့်လည်း စစ်တပ်က အရပ်သားတွေကို ဗုံးကြဲနေသမျှ ကာလပတ်လုံး ကျနော်တို့အတွက် နိုင်ငံ ရေးဖြစ်စဉ်တွေကို ဆွေးနွေးဖို့က အလွန်ခက်ခဲနေဦးမှာပါ။ စစ်ကော်မရှင်က အသာစီးရတဲ့ အနေအထားကနေ ဆွေးနွေးချင်နေတာ။ ဒါပေမဲ့ ကျနော်တို့ကတော့ အဲဒီလို ဖိအားမျိုးကို အလျော့ပေးမှာ မဟုတ်ပါဘူး” ဟု ဗိုလ်ချုပ်ထွန်းမြတ်နိုင်က ဆက်လက်ပြောဆိုသည်။

AA နှင့်မြန်မာစစ်တပ်အကြား ဖြစ်ပွားနေသော တိုက်ပွဲများကို ရပ်တန့်ရေး တရုတ်နိုင်ငံက ဖိအားပေးမှုမဟုတ်ဘဲ တည်ငြိမ်စေချင်၍ ဖြစ်ကြောင်း၊ တရုတ်အနေဖြင့် ၎င်းတို့၏အကျိုးစီးပွားကို ကာကွယ်ရန် အကောင်းဆုံး ကြိုးစားမည်ဖြစ်ကြောင်း၊ ယင်းမှာ နိုင်ငံတိုင်းက လုပ်ဆောင်သော အရာပင်ဖြစ်ကြောင်း ဗိုလ်ချုပ်ထွန်းမြတ်နိုင်က ဆက်လက် ပြောဆိုသည်။

နွေဦးတော်လှန်ရေး၏ ရလဒ်နှင့်ပတ်သက်၍ AA တစ်ဖွဲ့တည်း၏ မျှော်လင့်ချက်ဖြင့် ဆုံးဖြတ်၍ မရကြောင်း၊ မြန်မာပြည်သူများ၏ မျှော်လင့်ချက်ကို ဖြည့်ဆည်းပေးနိုင်ရေးအတွက် အဆိုးဆုံးကို ပြင်ဆင်ထားရမည်ဖြစ်​ေကြာင်း ၎င်းက ထုတ်ဖော်ပြောဆိုသည်။

“နွေဦးတော်လှန်ရေးရဲ့ ရလဒ်ကို AA တဖွဲ့တည်းရဲ့ မျှော်လင့်ချက်နဲ့ ဆုံးဖြတ်လို့ မရပါဘူး။ ဗမာပြည်မက ပြည်သူတွေ၊ သူတို့ရဲ့ ပြဿနာတွေနဲ့ ဒေသတွင်း ဖြစ်ပျက်နေတာတွေ အစရှိတဲ့ တခြားအချက်တွေကိုလည်း ထည့်သွင်းစဉ်းစားရပါမယ်။ သူတို့ရဲ့ အခြေအနေတွေကို ကျနော်တို့ အပြည့်အဝ လေးစားပါတယ်။ ကျနော်တို့မှာ သူတို့နဲ့ ရင်းနှီးတဲ့ ဆက်ဆံရေး ရှိသလို စိတ်တူကိုယ်တူ အဖွဲ့အစည်းတွေကိုလည်း ကူညီပေးထားပါတယ်။ ပြည်သူတွေရဲ့ ဆင်းရဲဒုက္ခတွေ အမြန်ဆုံး ပြီးဆုံးသွားတာကို မြင်ချင်သလို ရေရှည်တည်တံ့မယ့် ဖြေရှင်းချက်တစ်ခုကို ရှာဖွေချင်ပါတယ်။ မြန်မာပြည်သူတွေရဲ့ မျှော်မှန်းချက်တွေကို ဖြည့်ဆည်းပေးနိုင်ဖို့ ကျနော်တို့ဟာ အဆိုးဆုံး အခြေအနေအတွက် ပြင်ဆင်ထားသင့်ပါတယ်” ဟု ဗိုလ်ချုပ် ထွန်းမြတ်နိုင်က ပြောဆိုသည်။

ဓာတ်ပုံ- The Diplomat ။

The post နွေဦးတော်လှန်ရေးတွင် အမျိုးသားညီညွတ်ရေးအစိုးရ-NUG က အရေးကြီးသော အခန်းကဏ္ဍတွင် ရှိနေပြီး ရှင်းလင်းသော နိုင်ငံရေး အနာဂတ်တစ်ခုအတွက် အားလုံး စုစည်းမိကြရန် မျှော်လင့်ဟု AA စစ်ဦးစီးချုပ် ဗိုလ်ချုပ် ထွန်းမြတ်နိုင်ပြော appeared first on Khit Thit Media.

အမျိုးသားညီညွတ်ရေးအစိုးရ (NUG) ၏ ပြည်ထောင်စုဝန်ကြီးချုပ် မန်းဝင်းခိုင်သန်းက စစ်ပွဲတစ်ခု၏ အဆုံး အဖြတ်သည် လက်နက်အင်အားအသာအယာပေါ် မူတည်ခြင်းမဟုတ်ဘဲ တိုက်ပွဲဝင်နေသူများ၏ မယိမ်းယိုင်သည့် ယုံကြည်ချက်နှင့် စိတ်ဓာတ်ခိုင်မာမှုအပေါ်တွင်သာ အဓိက မူတည်ကြောင်း ပြောကြားလိုက်သည်။

ယနေ့ မေလ ၅ ရက်နေ့တွင် ကျရောက်သည့် ပြည်သူ့ကာကွယ်ရေးတပ်မတော် (PDF) ဖွဲ့စည်းတည်ထောင်ခြင်း ၅ နှစ်ပြည့် အထိမ်းအမှတ်နေ့ မိန့်ခွန်းတွင် ထည့်သွင်း ပြောကြားခဲ့ခြင်း ဖြစ်သည်။

ပြည်သူ့ကာကွယ်ရေးတပ်မတော်- PDF သည် ပြည်သူလူထုမှ ပေါက်ဖွားလာသော ဖက်ဒရယ်တပ်မတော်၏ အစ ပြုအမြစ်ဖြစ်ပြီး ၅ နှစ်တာကာလအတွင်း စစ်အာဏာရှင်စနစ် ဖယ်ရှားရေးနှင့် ဖက်ဒရယ်ဒီမိုကရေစီ ပြည် ထောင်စု တည်ဆောက်ရေးအတွက် အသက်၊ သွေး၊ ချွေးများ ပေးဆပ်ကာ တိုက်ပွဲဝင်ခဲ့ကြသည့် တော်လှန်ရေးရဲဘော်များကို ဂုဏ်ပြုခဲ့သည်။

ထို့ပြင် PDF တပ်ဖွဲ့ဝင်များသည် စစ်ကောင်စီ၏ လေကြောင်းတိုက်ခိုက်မှုများနှင့် လူမဆန်သော ဖိနှိပ်မှုများကြားတွင် ပြည်သူနှင့်အတူ ခက်ခဲစွာ ရုန်းကန်ခဲ့ကြပြီး နိုင်ငံတစ်ဝန်းတွင် တော်လှန်ရေးအောင်မြင်မှုများကို ရရှိခဲ့ကြောင်းလည်း အလေးပေး ပြောကြားခဲ့သည်။

၂၀၂၁ ခုနှစ် စစ်အာဏာသိမ်းပြီးနောက် အကြမ်းဖက်မှုများကြောင့် ပြည်သူများ မလွှဲမရှောင် လက်နက်ကိုင်တိုက် ပွဲဝင်ရခြင်းဖြစ်ကြောင်းနှင့် စတင်စဉ်က လက်လုပ်လက်နက်များဖြင့်သာ တိုက်ပွဲဝင်ခဲ့သော်လည်း ယနေ့အချိန်တွင် စနစ်တကျ ဖွဲ့စည်းထားသည့် စစ်တပ်တစ်ရပ်အဖြစ် တိုးတက်လာခဲ့ကြောင်းလည်း ပြောကြားခဲ့သည်။

လွန်ခဲ့သော (၅) နှစ်တာကာလအတွင်း PDF နှင့် တိုင်းရင်းသား လက်နက်ကိုင်အဖွဲ့များအကြား စစ်ရေးပူးပေါင်းမှုများကြောင့် စစ်ကောင်စီ၏ အရေးပါသည့် စစ်စခန်းများနှင့် မြို့နယ်အများအပြားကို သိမ်းပိုက်ထိန်းချုပ်နိုင်ခဲ့ပြီး ခုခံစစ်မှ တန်ပြန်ထိုးစစ်သို့ ပြောင်းလဲနိုင်ခဲ့ကြောင်းလည်း ထောက်ပြခဲ့သည်။

သို့သော် တချို့ဒေသများတွင် ပြည်သူလူထု၏ အသက်နှင့် ပိုင်ဆိုင်မှုများကို ကာကွယ်ရန်အတွက် နည်းဗျူဟာအရ ဆုတ်ခွာခြင်းများ ပြုလုပ်ခဲ့ရခြင်းဖြစ်ကြောင်း၊ ယင်းသည် အားနည်းမှုမဟုတ်ဘဲ ရှေ့ဆက်စစ်ရေးအတွက် အင်အားစုဆောင်းခြင်းသာဖြစ်ကြောင်း ဝန်ကြီးချုပ်က ရှင်းလင်းပြောကြားခဲ့သည်။

ဝန်ကြီးချုပ်က ထပ်မံ၍ တော်လှန်ရေးသည် အချိန်တိုအတွင်း အပြီးသတ်နိုင်သော အပြေးပြိုင်ပွဲမဟုတ်ဘဲ ရေရှည်ခရီးတစ်ခုဖြစ်ကြောင်း၊ ထိုခရီးတွင် ဇွဲနှင့် သတ္တိရှိသူများသာ အောင်မြင်နိုင်ကြောင်း အားပေးပြောကြားခဲ့သည်။

ထို့အပြင် စစ်တပ်တစ်ခု၏ အင်အားသည် လက်နက်များသာမက စစ်ဘက်ကျင့်ဝတ်၊ လူ့အခွင့်အရေး လေးစားမှုနှင့် ပြည်သူအပေါ် ဆက်ဆံပုံတို့တွင်လည်း တည်ရှိကြောင်း၊ PDF တပ်ဖွဲ့ဝင်များအနေဖြင့် ပြည်သူများ၏ ယုံ ကြည်မှုကို ထိန်းသိမ်းရန် အထူးလိုအပ်ကြောင်း အလေးထား ပြောကြားခဲ့သည်။

အထူးသဖြင့် ပြည်သူလူထု၊ အမျိုးသမီးနှင့် ကလေးငယ်များကို ကာကွယ်ရန်၊ ပြည်သူပိုင်ပစ္စည်းများကို မထိခိုက်စေရန်နှင့် စစ်သုံ့ပန်းများကို လူသားဆန်စွာ ဆက်ဆံရန် လိုအပ်ကြောင်းလည်း တိုက်တွန်းခဲ့သည်။

လက်ရှိအခြေအနေတွင် စစ်ကောင်စီသည် လက်နက်အင်အားနှင့် လေကြောင်းပစ်ကူများအသာဖြင့် ထိုးစစ်ဆင်နေသည့်အပြင် တော်လှန်ရေးစိတ်ဓာတ်ကို ဖြိုလဲရန် သတင်းမှားများနှင့် ဝါဒဖြန့်မှုများကိုလည်း အဆက်မပြတ် အသုံးပြုနေကြောင်း သတိပေးခဲ့သည်။

သို့သော် ရန်သူသည် စိတ်ဓာတ်ကို မဖြိုလဲနိုင်ပါက ထိုစိတ်ဓာတ်ပင် အောင်ပွဲသို့ ဦးတည်စေမည်ဖြစ်ကြောင်းနှင့် စစ်ပွဲ၏ အဆုံးအဖြတ်သည် လက်နက်ထက် ယုံကြည်ချက်ပေါ်တွင်သာ မူတည်ကြောင်း ထပ်လောင်း အလေးပေး ပြောကြားသည်။

NUG ဝန်ကြီးချုပ်က တော်လှန်ရေးခရီးစဉ်သည် စိန်ခေါ်မှုများနှင့် ဆက်လက် ရင်ဆိုင်ရမည်ဖြစ်သော်လည်း ပြည်သူလူထု၏ မယိမ်းမယိုင် ထောက်ခံမှုနှင့် တော်လှန်ရေးအင်အားစုများ၏ စည်းလုံးညီညွတ်မှုဖြင့် စစ်အာဏာရှင်စနစ်ကို ဖယ်ရှားပြီး ဖက်ဒရယ်ဒီမိုကရေစီ ပြည်ထောင်စုကို မကြာမီ တည်ဆောက်နိုင်မည်ဟု ယုံကြည်ကြောင်း ပြောကြားသည်။

The post စစ်ပွဲ၏ အဆုံးအဖြတ်မှာ လက်နက်အင်အားထက် တိုက်ပွဲဝင်နေသူများ၏ မယိမ်းယိုင်သည့် ယုံကြည်ချက်အပေါ် မူတည်နေဟု NUG ဝန်ကြီးချုပ် ပြော appeared first on Khit Thit Media.

မြန်မာနိုင်ငံတွင် စစ်အာဏာရှင်ကို တော်လှန်နေသော ၅ နှစ်သား ပြည်သူ့ကာကွယ်ရေးတပ်မတော်၏ အားနည်း ချက်၊ ဟာကွက်များကို မထောက်မညှာ ဝေဖန်ဆန်းစစ်ပြီး သင်ခန်းစာယူ ပြုပြင်ကြရမည့်အချိန်ရောက်ပြီဖြစ်ကြောင်း အမျိုးသားညီညွတ်ရေးအစိုးရ- NUG ကာကွယ်ရေးဝန်ကြီး ဦးရည်မွန်က ပြောဆိုသည်။

ယနေ့ ကျရောက်သည့် ပြည်သူ့ကာကွယ်ရေးတပ်မတော် ဖွဲ့စည်းတည်ထောင်ခြင်း ၅ နှစ်ပြည့်အခမ်းအနားသို့ ပေးပို့သော သဝဏ် လွှာတွင် ကာကွယ်ရေးဝန်ကြီး ဦးရည်မွန်က အထက်ပါအတိုင်း ပြောဆိုလိုက်ခြင်းဖြစ်သည်။

“ပြည်သူ့ကာကွယ်ရေးတပ်မတော်၊ ပြည်သူ့ကာကွယ်ရေးအဖွဲ့များအနေနဲ့ ကိုယ့်ရဲ့စွမ်းဆောင်မှု၊ ကိုယ့်ရဲ့အားသာချက်များအတွက် ဂုဏ်ယူကြရမှာ ဖြစ်သလို၊ ဒီအချိန်မှာ ကိုယ့်ရဲ့အားနည်းချက်၊ ကိုယ့်ရဲ့ဟာကွက်များအတွက် မထောက်မညှာ ဝေဖန်ဆန်းစစ်ပြီး သင်ခန်းစာယူ ပြုပြင်ကြရမယ့်အချိန်လည်း ဖြစ်တယ်” ဟု ဦးရည်မွန်က ပြောဆိုသည်။

လက်ရှိတွင် ပြည်သူ့တော်လှန်ရေးဆင်နွှဲနေသော ကာလတွင် တော်လှန်ရေး၏ အနိမ့်အမြင့် အတက်အကျ မျိုးစုံကို ဖြတ်သန်းနေရကြောင်း၊ အောင်ပွဲရသည်အထိ ရှေ့ဆက်ရန် လိုအပ်သော အတွေ့အကြုံများ ရရှိခဲ့ပြီးဖြစ်ကြောင်း သူက ဆက်ပြောသည်။

“ငါတို့ ပြည်သူ့ကာကွယ်ရေးတပ်မတော်ဟာ စတင်ဖွဲ့စည်းချိန်ကစလို့ ခုချိန်ထိ တော်လှန်ရေးလောကဓံ အနိမ့်အမြင့် အတက် အကျမျိုးစုံကို ဖြတ်သန်းပြီး အောင်ပွဲရတဲ့အထိ ရှေ့ဆက်ဖို့လိုအပ်တဲ့ အတွေ့အကြုံတွေ ရရှိခဲ့ပြီးဖြစ်တယ်။ ကျင့်ဝတ်စည်းကမ်းပိုင်းဆိုင်ရာ ထိန်းကျောင်းကွပ်ကဲမှု လိုအပ်ချက်ကြောင့် နေရာဒေသတချို့မှာ ပြည် သူ့ယုံကြည်မှုကို အတိုင်းအတာတစ်ခုထိ ထိခိုက်စေတာကိုလည်း ငါတို့ အထူးသတိပြုရမယ်။ သို့ပေမယ့် တစ်နိုင်ငံလုံးအတိုင်းအတာနဲ့ တော်လှန်ရေးအပေါ် ပြည်သူ့ထောက် ခံပါဝင်မှုဟာ ဆက်လက်ရှိနေဆဲ ဖြစ်တယ်။ ဒီအနေအထားကို ထိန်းသိမ်းပြီး ပြည်သူနဲ့ တော်လှန်ရေး တသားတည်း ရှိစေဖို့ ဆက်လက်ကြိုးစားရမှာ ဖြစ်တယ်။ တော်လှန်ရေးရှေ့ခရီးအတွက် ငါတို့တပ်တွင်း သွေးစည်းရေး၊ မဟာမိတ်ညီညွတ်မှု ခိုင်မာရေး၊ ဗျူဟာမြောက် တိုက်ပွဲဝင်ရေးအတွက် ဆက်လက်ထမ်းပိုး လုံ့လစိုက်ထုတ်ကြရမှာ ဖြစ်တယ်” ဟု ဦးရည်မွန်က ရှင်းပြသည်။

ပြည်သူ့ကာကွယ်ရေးတပ်မတော်ကို ရရှိထားသည့် တပ်တည်ဆောက်ရေး၊ စစ်ဆင်ရေး အတွေ့အကြုံ၊ ပြည်သူ့ စစ်ဗျူဟာများဖြင့် ကွပ်ကဲမှု၊ တိုက်စွမ်းရည်နှင့် ကျင့်ဝတ် စည်းကမ်းလိုက်နာမှု အားကောင်းသော တပ်ဖြစ်အောင် အားဖြည့် တည်ဆောက်ကြရမည်ဖြစ်ကြောင်း ၊ တပ်တည်ဆောက်ရေးနှင့်တွဲဖက်ပြီး ဘဏ္ဍာရန်ပုံငွေနှင့် စစ် လက်နက်ပစ္စည်းအရင်းအမြစ်များ ရှာဖွေစုဆောင်းရေးကိုလည်း ပိုမိုအားစိုက်ရမည်ဖြစ်ကြောင်းသူက ဆိုသည်။

ယင်းအပြင် NUG ကာကွယ်ရေးဝန်ကြီးက သူကိုယ်တိုင်လည်း မြေပြင်တွင် ရဲဘော်များနှင့်အတူ ရှိနေမည်ဖြစ် ကြောင်း၊ သိမ်း ပိုက်ထားသော မြို့တချို့ ယာယီစွန့်ခွာရမှု အပါအဝင် အခက်အခဲတချို့ ရှိနေသော်လည်း ခိုင်မာ သော သန္နိဋ္ဌာန်၊ ပြင်းပြသည့် ယုံ ကြည်ချက်၊ ထက်မြက်သည့် ဉာဏ်ပညာနှင့် ရင့်သန်သည့် စိတ်ခွန်အားကို အရင်းတည်ပြီး လတ်တလောအခြေအနေကို အတူတကွ ရင်ဆိုင်ကျော်လွှားကြရန် တိုက်တွန်းပြောဆိုသည်။

The post ၅ နှစ်သား ပြည်သူ့ကာကွယ်ရေးတပ်မတော်၏ အားနည်းချက်၊ ဟာကွက်များကို မထောက်မညှာ ဝေဖန်ဆန်းစစ်ပြီး သင်ခန်းစာယူ ပြုပြင်ကြရမည့်အချိန်ရောက်ပြီဟု NUG ကာကွယ်ရေးဝန်ကြီး ဦးရည်မွန်ပြော appeared first on Khit Thit Media.

မြန်မာနိုင်ငံ၏ စစ်အာဏာရှင် ဆန့်ကျင်နေသော နွေဦးတော်လှန်ရေးတွင် နိုင်ငံရေးစိန်ခေါ်ချက်များနှင့် စစ်ရေးအရ လက်လွှတ်ဆုံးရှုံးရမှုတချို့ ရှိနေသော်လည်း ဇွဲနပဲရှိရှိဖြင့် ဆက်လက်ကျော်ဖြတ်ကြရန် အမျိုးသားညီညွတ်ရေးအစိုးရ (NUG) ယာယီသမ္မတ ဒူဝါလရှီးလက တိုက်တွန်းပြောဆိုလိုက်သည်။

ယနေ့ ၂၀၂၆ ခုနှစ်၊ မေလ ၅ ရက်နေ့တွင် ကျရောက်သော ပြည်သူ့ကာကွယ်ရေးတပ်မတော် (PDF) ဖွဲ့စည်းတည်ထောင်ခြင်း ၅ နှစ်ပြည့် အထိမ်းအမှတ် မိန့်ခွန်းတွင် ၎င်းက ထိုသို့ ထည့်သွင်းပြောကြားလိုက်ခြင်းဖြစ်သည်။

ပြည်သူ့ကာကွယ်ရေးတပ်မတော်သည် ပြည်သူလူထု၏ ဝမ်းကြာတိုက်ထဲမှ မွေးဖွားလာသည့် တပ်မတော်ဖြစ် ကြောင်း၊ တော် လှန်ရေးခရီးကြမ်းထဲတွင် လက်နက်ကိုင်တော်လှန်ရေးသမိုင်း၌ မကြုံဖူးသော အောင်မြင်မှုများကို ရရှိခဲ့သော်လည်း ယနေ့အချိန်အထိ ခရီးဆုံးပန်းတိုင်သို့ မရောက်သေးသည်ကို သတိပြုရမည်ဖြစ် ကြောင်း၊ ထို့ကြောင့် မြေပြင်တွင် ဖြစ်ပေါ်နေသည့် အရှိပကတိများကို လျစ်လျူမရှုရန်နှင့် ရည်မှန်းချက်ပန်းတိုင်ကိုလည်း မျက်ခြေမပြတ်ဘဲ ဇွဲရှိရှိ ထပ်မံကျော်ဖြတ်ကြရန် အထူးလို အပ်ကြောင်း ၎င်းက တိုက်တွန်းသည်။

” လက်ရှိ အချိန်မှာ၊ ကြုံတွေ့နေရတဲ့ နိုင်ငံရေးစိန်ခေါ်ချက်တွေ အမြောက်အမြား ရှိနေသလို၊ စစ်ရေးအရ လက် လွှတ်ဆုံးရှုံးရမှု တချို့လည်း ခပ်စိပ်စိပ် ကြုံတွေ့နေကြရပါတယ်။ တော်လှန်ရေးရဲ့ သဘောဟာ အနိမ့်အမြင့် – အတက်အကျတွေ ရှိတတ်သလို၊ ရှေ့နှစ်လှမ်းတိုး – နောက်တစ်လှမ်း ဆုတ်ရတဲ့ ဖြစ်စဉ်မျိုးတွေလည်း ရှိတတ်ကြောင်း ပြောကြားလိုပါတယ်” ဟု ယာယီသမ္မတက ထည့်သွင်းပြောကြားသည်။

တော်လှန်ရေးတွင်ပါဝင်နေသော PDF ရဲဘော်များသည် တစ်ဖက်တွင် တော်လှန်ရေးသမားများဖြစ်သကဲ့သို့ တော်လှန်ရေးအလွန်ကာလများတွင်လည်း ဖက်ဒရယ်ဒီမိုကရေစီနိုင်ငံတော်သစ် တည်ဆောက်ရေးအတွက် “တိုင်းပြုပြည်ပြုသမားများ” အဖြစ် ဆက်လက်ပါဝင်ကြရမည်ဖြစ်ကြောင်း ၊ ထို့ကြောင့် ရဲဘော်များအနေဖြင့် အသိဉာဏ်ပညာကိုယ်ခံအားကို ဖြည့်တင်းရင်း ပြည်သူအားကိုးထိုက်သော၊ စည်းကမ်းသေဝပ်သော ပြည်သူ့တပ်မတော်တစ်ရပ်အဖြစ် ပါဝင်တည်ဆောက်ကြရန် လိုအပ်သည်ဟု ယာယီသမ္မတက ရှင်းပြသည်။

“ပြည်သူ့ကာကွယ် ရေးတပ်မတော်သားတွေဟာ တစ်ဖက်မှာ တော်လှန်ရေးသမားတွေဖြစ်သလို၊ တစ်ဖက်မှာလည်း ပြည်သူ့အရေးတော်ပုံတပ်သားတွေအဖြစ် တာဝန်ယူထားကြရပါတယ်။ တော်လှန်ရေးအလွန်ကာလ တွေ ရောက်လာရင်လည်း၊ “တိုင်းပြုပြည်ပြုသမားတွေအဖြစ်” – ဖက်ဒရယ်ဒီမိုကရေစီနိုင်ငံတော်သစ် တည်ဆောက်ရေးမှာ ဆက်လက်ပါဝင်ကြရအုံးမှာဖြစ်ပါတယ်။ ဒါ့ကြောင့် ကျွန်တော်တို့ရဲ့ ရဲဘော်ရဲဘက် အားလုံးဟာ တော် လှန်ရေးကာလအတွင်းမှာ၊ မိမိတို့ရဲ့ အသိဉာဏ်ပညာကိုယ်ခံအားကို ဖြည့်တင်းရင်း ရဲရဲဝံ့ဝံ့ တိုက်ပွဲဝင်ကြဖို့ လေးနက်စွာ တိုက်တွန်းလိုပါတယ်။ နွေဦးတော်လှန်ရေး အရေးတော်ပုံတပ်သား အားလုံးဟာ ပြည်သူအားကိုးထိုက်တဲ့သူတွေဖြစ်ရမှာဖြစ်သလို / လူထုယုံကြည်ထိုက်တဲ့သူတွေလည်း ဖြစ်ဖို့ လိုပါတယ်။ ဒါ့အပြင် စည်းကမ်းသေဝပ်ပြီး၊ စနစ်ကျတဲ့ ပြည်သူ့တပ်မတော်တစ်ရပ်ကိုလည်း ပါဝင် တည်ဆောက်ကြဖို့ လိုပါတယ်” ဟု ယာယီသမ္မတ ဒူဝါလရှီးလက ဆက်လက်ပြောဆိုသည်။

NUG အစိုးရအနေဖြင့်လည်း ပြည်သူ့အစိုးရပီသစွာ ပြည်သူ့ကာကွယ်ရေးတပ်မတော်နှင့်အတူ စစ်အာဏာ ရှင်စနစ် အမြစ်ပြတ်ချေမှုန်းရေးကို ပြတ်ပြတ်သားသား ဆက်လက်တိုက်ပွဲဝင်သွားမည်ဖြစ်ကြောင်း ယာယီသမ္မတက ကတိပြု ပြောဆိုသွားသည်။

စစ်အာဏာရှင်ကို တော်လှန်နေသော ၅ နှစ်တာကာလအတွင်း ပြည်သူ့ကာကွယ်ရေးတပ်မတော် (PDF) မှာ တစ်ပြည်လုံး အတိုင်းအတာဖြင့် တိုင်းစစ်ဌာန ၁၀ ခု၊ တပ်မ ၁ ခု၊ တပ် ရင်းပေါင်း ၃၆၀ ရင်းကို တစ်ခုတည်းသော ကွပ်ကဲမှုအောက်တွင် ထားရှိဆောင်ရွက်နိုင်ပြီဖြစ်ကြောင်း NUG ကာကွယ်ရေးဝန်ကြီးဌာနက ထုတ်ပြန် ကြေညာထားသည်။

The post နွေဦးတော်လှန်ရေးတွင် နိုင်ငံရေးစိန်ခေါ်ချက်များနှင့် စစ်ရေးအရ လက်လွှတ်ဆုံးရှုံးရမှု တချို့ ကြုံတွေ့နေရသော်လည်း ဇွဲရှိရှိဖြင့် ဆက်လက် ကျော်ဖြတ်ရန် NUG ယာယီသမ္မတ တိုက်တွန်း appeared first on Khit Thit Media.

နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ကို နေရာပြောင်းရွှေ့ချုပ်နှောင်ထားသည်ဟုဆိုသော်လည်း သက်ရှိထင်ရှားနေဆဲဖြစ်သည်ဆိုသော ရေရာသေချာသည့် သက်သေအထောက်အထားများကို စစ်တပ်က မပြနိုင်ကြောင်း အမျိုးသားညီ ညွတ်ရေးအစိုးရ- NUG ဝန်ကြီးချုပ်ရုံးပြောရေး ဆိုခွင့်ရှိသူ ဦးနေဘုန်းလတ်က ပြောဆိုသည်။

နိုင်ငံတော်အတိုင်ပင်ခံပုဂ္ဂိုလ်ဒေါ်အောင်ဆန်းစုကြည်မှာ ရန်ကုန်မြို့၊ တက္ကသိုလ်ရိပ်သာလမ်းရှိ ခြံ အမှတ် ၅၄ သို့ ရောက်ရှိလာခြင်းမရှိသကဲ့သို့ နေပြည်တော်ရှိ နှင်းဆီခြံသို့လည်း ရောက်ရှိလာခြင်းမရှိကြောင်း၊ ထို့ကြောင့် စစ်တပ်က နေရာပြောင်းရွှေ့ချုပ်နှောင်ထားခြင်းဖြစ်ကြောင်း ၎င်းက ဆိုသည်။

“နိုင်ငံတော်အတိုင်ပင်ခံပုဂ္ဂိုလ် လူထုခေါင်းဆောင် ဒေါ်အောင်ဆန်းစုကြည်နဲ့ပတ်သက်လို့ အ ကြမ်း ဖက်စစ်အုပ်စုဘက်က ဓာတ် ပုံ တစ်ပုံ ထုတ်ပြလာတယ်၊ အဲဒီဓာတ်ပုံက ဘယ်အချိန် ဘယ်ကာလက ရိုက်ထားမှန်းတဲ့ မသိတဲ့ ဓာတ်ပုံဖြစ်တယ်၊။ အဲဒီအတွက်ကြောင့်မို့လို့ လက်ရှိ အချိန်မှာ ဒေါ်အောင် ဆန်းစုကြည်ဟာ သက်ရှိ ထင် ရှားရှိနေသေးတယ်ဆိုတဲ့ဟာကို ခိုင်လုံတဲ့ သက်သေတစ်ခုအနေနဲ့ ပြ နိုင်တဲ့အခြေအနေမျိုး မဟုတ်ဘူးလို့ပဲ ကျနော်တို့ ပြောကြားလိုတယ်။ ဒါတွေဟာ ဘာမှ ရေရာသေချာတဲ့ အခြေ အနေမဟုတ်ဘူးဆိုတာကိုတော့ အရင် ဆုံးပြောချင်ပါတယ်။ ” ဟု NUG ပြည်‌ ထောင်စုဝန်ကြီးချုပ်ရုံး ပြောရေးဆိုခွင့်ရှိသူ ဦးနေဘုန်းလတ်က ရန်ကုန်ခေတ်သစ်သတင်းဌာနထံသို့ ပြောကြားသည်။

အကြမ်းဖက် မင်းအောင်လှိုင်က ယမန်နေ့ ကဆုန်လပြည့်နေ့ အထိမ်းအမှတ်အဖြစ် နေပြည်တော် အ ကျဉ်းထောင်တွင် ပြစ်ဒဏ်ကျခံလျက်ရှိသည့် ဒေါ်အောင်ဆန်းစုကြည်ကို ရာဇဝတ်ကျင့်ထုံး ဥပဒေ ပုဒ်မ ၅၄၁၊ ပုဒ်မခွဲ(၁)အရ ၎င်းကျခံရန်ကျန်ရှိသည့် ပြစ် ဒဏ်များကို သတ်မှတ်ထားသည့်နေအိမ်၌ ဆက်လက်ကျခံစေရန် ပြောင်းလဲသတ် မှတ်ပေးလိုက်ကြောင်း ထုတ်ပြန်ကြေညာခဲ့သည်။

ထိုသို့ ကြေညာရာတွင် ဒေါ်အောင်ဆန်းစုကြည်၏ ဓာတ်ပုံကို ထုတ်ပြန်ခဲ့သော်လည်း ယင်းဓာတ်ပုံမှာ ယခုပုံလား၊ မည်သည့်အချိန် တွင် ရိုက်ထားသော ဓာတ်ပုံဖြစ်သည်ကို ဖော်ပြထားခြင်းမရှိပေ။

ထို့ကြောင့် ယင်းဓာတ်ပုံမှာ နိုင်ငံတော်အတိုင်ပင်ခံပုဂ္ဂိုလ်ဒေါ်အောင်ဆန်းစုကြည် သက်ရှိထင်ရှားရှိ သေးသည်ဟု ပြသနိုင်သော ခိုင်လုံသည့် သက်သေအထောက်အထားမဟုတ်ကြောင်း ပြည်သူလူထု က ကြား ဝေဖန်မှုမြင့်တက်ရှိကာ ခိုင်လုံသော သက် သေထုတ်ပြန်ပေးရန် တောင်းဆိုမှုမြင့်တက် လျက်ရှိသည်။

နိုင်ငံတော်အတိုင်ပင်ခံပုဂ္ဂိုလ် နေအိမ်အချုပ်သို့ ပြောင်းရွှေ့လိုက်ခြင်းမှာ နိုင်ငံတကာ၏ တောင်းဆိုမှုကြောင့်ဖြစ်ပြီး ဆက်လက်တောင်းဆိုပေးကြရန်နှင့် သံတမန်ရေးအရ အသိအမှတ် ပြုချင်းမျိုး မလုပ်မိစေရန် စမ်းချောင်းမြို့နယ် အမျိုးသားဒီမိုကရေစီအဖွဲ့ ချုပ် ၊ ဒုတိယ ဥက္ကဌ ဦးဘိုဘိုဦးက ရန်ကုန်ခေတ်သစ်သတင်းဌာနထံသို့ ပြောကြားသည်။

“နိုင်ငံတော်အတိုင်ပင်ခံပုဂ္ဂိုလ်ကို အခုလို နေအိမ်အကျယ်ချုပ်ပြောင်းလဲလိုက်တာက နိုင်ငံတကာရဲ့ တောင်းဆိုမှုကြောင့် ဖြစ်ပေါ်ပြောင်းလဲလာမှုပါ။ နိုင်ငံတကာအ‌နေနဲ့ ဆက်လက်တောင်းဆိုပေးဖို့ လိုပါတယ်။ သံတမန်ရေး Engage လုပ်တာကောင်းပါတယ်။ အသိအမှတ်အပြုမှုတော့ မလုပ်စေချင် ပါဘူး။ ဆုပေးဒဏ်ပေးစနစ်ကို နိုင်ငံ တကာအနေနဲ့ ကိုင်စွဲလုပ်ဆောင်သင့်ပါတယ်။ NLD ပါတီအနေနဲ့ ပြည်သူလူထုနဲ့အတူ ရပ်တည်လျက်ရှိပါတယ” ဟု စမ်းချောင်းမြို့နယ် အမျိုးသားဒီမိုကရေစီအဖွဲ့ ချုပ် ၊ ဒုတိယ ဥက္ကဋ္ဌ ဦးဘိုဘိုဦးက ပြောဆိုသည်။

NUG အစိုးရအနေဖြင့် တော်လှန်ရေးရည်မှန်းချက်များဖြစ်သည့် စစ်အာဏာသိမ်းမှုကို ဖယ်ရှားပြီး မြန်မာစစ် တပ်၏ နိုင်ငံရေး၌ ပါဝင်နေခြင်းအား အဆုံးသတ်ရန်၊ လက်နက်ကိုင်တပ်ဖွဲ့အားလုံးကို ဒီမိုကရေစီနည်းကျ ရွေး ကောက်တင်မြှောက်ထားသည့် အရပ်သားအစိုးရ၏ စီမံအုပ်ချုပ်မှုအောက်၌ အပြည့်အဝ ထားရှိရန်၊ ၂၀၀၈ ဖွဲ့ စည်း ပုံအခြေခံဥပဒေကို အပြီးတိုင်ဖျက်သိမ်းရန်နှင့် ယင်းကို ပြန် လည်အသက်သွင်းရန် ကြိုးပမ်းမှု မှန်သမျှ တိုက်ဖျက်ရန်၊ သက်ဆိုင်သူအားလုံး လက်ခံနိုင်သော ဖက် ဒရယ်နှင့် ဒီမိုကရေစီစနစ်ကို အခြေခံသည့် ဖွဲ့စည်းပုံအခြေခံဥပဒေ ရေးဆွဲပြဋ္ဌာန်းရန်၊ ထွက်ပေါ်လာ သော ဖက်ဒရယ်ဒီမိုကရေစီ ဖွဲ့စည်းပုံအခြေခံဥပဒေနှင့်အညီ ဖက်ဒရယ် ဒီမိုကရေစီ ပြည်ထောင်စုအ သစ်အား တည်ဆောက်ရန်နှင့် ပဋိပက္ခအတွင်း မတရားကျူးလွန်ခံရသူများအတွက် တရားမျှတမှု ရရှိ ရေးနှင့် အသွင်ကူးပြောင်းရေး ကာလ တရားမျှတမှု ရရှိရေး လုပ်ငန်းစဉ် ဖော်ဆောင်ရန် တို့ကို ကိုင်စွဲကာ ဆက်လက်တော်လှန်သွားမည်ဖြစ်ကြောင်း အသိပေးထားသည်။

“ကျနော်တို့ရဲ့ တော်လှန်ရေးရဲ့ ရည်မှန်းချက်တွေထဲမှာ နိုင်ငံတော် အတိုင်ပင်ပုဂ္ဂိုလ်အပါအဝင် နိုင်ငံ ရေး အကျဉ်း သားတွေအား လုံး ခြွင်းချက်မရှိ မဖြစ်မနေလွတ်မြောက်ဖို့ လိုအပ်တယ်လို့ ကျနော်တို့ တွေ အမြဲတမ်းပြောပါတယ်။ ဘာဖြစ်လို့လည်းဆိုတော့ အစောကြီးက တည်းက ဒါဟာ မတရား ဖမ်း ဆီး အကျဉ်းချထားတာဖြစ်တယ်။ နိုင်ငံတော်အတိုင်ပင်ခံပုဂ္ဂိုလ်အပါ အဝင် နိုင်ငံ တော်သမ္မတကြီးတို့ ကိုရော အကုန်လုံးကို ဖမ်းဆီးတဲ့အချိန်မှာ စစ် တပ်ကသာလျှင် နိုင်ငံ‌ တော်ပုန်ကန်မှုကို ကျူးလွန်ခဲ့တဲ့ စစ်ရာဇဝတ်ကောင်တွေဖြစ်တယ်။ အဲဒီအတွက်ကြောင့်မို့လို့ ဒီ အခြေ အနေကိုလည်း မျက်ခြေမပြတ် ကြဖို့ အရေးကြီးပါတယ်။ လက်ရှိအချိန်မှာ တော်လှန်ရေး ရဲ့ ရည် မှန်းချက်တွေ ၆ ချက်ဆိုတာ ထုတ် ပြန်ထားတာရှိပါတယ်။ ဒီရည်မှန်းချက် ၆ ချက်ရတဲ့အထိ တော်လှန်ရေးက တော့ ဆက်လက်ဆင်နွှဲ နေအုံးမှာ ဖြစ်ပါတယ်။” ဟု NUG ဝန်ကြီးချုပ်ရုံးပြောရေးဆိုခွင့်ရှိသူ ဦးနေဘုန်းလတ်က ပြောဆို သည်။

The post နိုင်ငံတော် အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် သက်ရှိထင်ရှားနေဆဲ ဖြစ်သည်ဆိုသော ရေရာသေချာသည့် သက်သေအထောက်အထားများ စစ်တပ်က မပြနိုင်ဟု NUG ဝန်ကြီးချုပ်ရုံးပြောရေး ဆိုခွင့်ရှိသူ ဦးနေဘုန်းလတ် ပြော appeared first on Khit Thit Media.

အမျိုးသားညီညွတ်ရေးအစိုးရ-NUGက အကောင်အထည်ဖော်နေသော တရားရေးစီရင်ရေးနှင့် တရားရေးကဏ္ဍ အခြေအနေများနှင့်ပတ်သက်၍ ကုလသမဂ္ဂက NUG တရားရေးဝန်ကြီးဌာနထံသို့ တိုက်ရိုက်ဆက်သွယ် မေးမြန်းလာကြောင်း NUG တရားရေး ဝန်ကြီးဌာန၊ပြည်ထောင်စုဝန်ကြီး ဦးသိန်းဦးက ပြောဆိုသည်။

ဧပြီလ ၁၁ ရက်နေ့ နံနက် ၁၀ နာရီအချိန် ကျင်းပပြုလုပ်ခဲ့သည့် တရားရေးဝန်ကြီးဌာန ပြည်ထောင်စုဝန် ကြီးနှင့် ကြားကာလတရားစီရင်ရေးဆိုင်ရာဦးစီးဌာန မြို့နယ်တရားသူကြီးများ တွေ့ဆုံဆွေးနွေးသည့် အစည်းအဝေးတွင် ၎င်းက အထက်ပါအတိုင်းထည့်သွင်းပြောကြားခဲ့ခြင်းဖြစ်သည်။

လတ်တလော NUG ၏တရားရုံးများတွင် လူသတ်မုဒိမ်းမှုကို သေဒဏ်ချမှတ်သည့် ကိစ္စအပါအဝင် တရားစီရင်ရေးနှင့်ပတ်သက်၍ ကုလ သမဂ္ဂမှ NUG အစိုးရ၊ တရားရေးဝန်ကြီးဌာနထံ တိုက်ခိုက်ဆက်သွယ်မေးမြန်းမှုရှိကြောင်း တရားရေး ဝန်ကြီးဌာန၊ပြည်ထောင်စုဝန်ကြီး ဦးသိန်းဦးက ပြောဆိုသည်။

“ကိုယ့်ဒေသ တရားစီရင်ရေး ပြုလုပ်ရာမှာ ကိုယ့်ဒေသတစ်ခုတည်း အတွက် မဟုတ်ဘဲ အဲဒီ ဆုံး ဖြတ်ချက်က တစ်နိုင်ငံလုံးကို လွှမ်းခြုံပါတယ်၊ နိုင်ငံတကာကိုလည်း ရောက်ရှိတဲ့ ဆုံးဖြတ်ချက်တွေ ဖြစ်ပါတယ်၊ ယခုဆိုရင် လူသတ်မှု သေဒဏ်ချမှတ်တဲ့ကိစ္စနှင့် ပတ်သက်လို့ ကုလသမဂ္ဂက ဝန်ကြီး ဌာနကို တိုက်ရိုက်မေးမြန်းလာတာတွေ ရှိပါတယ်၊ အဲဒီကိစ္စနှင့် ပတ်သက်လို့ ဘယ်ပုံဘယ်နည်း ဆောင်ရွက်လဲကို မေးလာပါတယ်၊ နိုင်ငံတကာအသိုင်းအဝိုင်းကလည်း တရားစီရင်ရေးက အင်မတန် အရေးကြီးတယ်၊ လူထုကို ဘယ်လောက်ထိ အကာအကွယ်ပေးထားသလဲ၊ မတရားမှုတွေကို တရား စီရင်ရေးက မည်မျှအထိ ဟန့်တားထားနိုင်သလဲ၊ မကောင်းမှုတွေကို ခွင့်မပြုဘူးလဲ၊ တနည်းအားဖြင့် ပြောရလျင် ဖြစ်ပေါ်နေတဲ့ အမှုအခင်းတွေနှင့်ပတ်သက်လို့ မိမိတို့က တာဝန်ယူမှု၊ တာဝန်ခံမှုနဲ့ ဘယ် လောက် အခြေ အနေထိ ဆောင်ရွက်နိုင်သလဲဆိုတာကို ပြည်တွင်း သာမက နိုင်ငံတကာကပါ စောင့် ကြည့်လေ့လာနေတဲ့ အနေအထားဖြစ်ပါတယ်” ဟု တရားရေး ဝန်ကြီးဌာန၊ပြည်ထောင်စုဝန်ကြီး ဦးသိန်းဦးက ပြောကြားသည်။

တော်လှန်ရေးနယ်မြေများမှ တရားရေးဝန်ကြီးဌာန၊ တရားသူကြီးများအနေဖြင့် ခိုင်ခိုင်မာမာ၊ ခိုင်ခိုင်မြဲမြဲ လုပ်နိုင်မည်ဆိုပါက တော်လှန်ရေးကြီးတစ်ခုလုံးကို အကျိုးပြုမည်ဖြစ်ကြောင်း၊ သို့သော်လည်း ဆောင်ရွက်ချက်များ အားနည်း၊ ချွတ်ချော် လွဲမှားခြင်းများ ရှိလာပါက တော်လှန်ရေးတစ်ခုလုံးကို ထိခိုက်မည်ဖြစ်ကြောင်း ဆက်လက်၍ အသိပေးထားသည်။

“နောက်ဆုံး အဆုံးအဖြတ်ပေးမှာက ဘယ်လောက် အတိုင်းအတာထိ တရားဥပဒေစိုးမိုးမှု ရှိ/မရှိ၊ တ ရားဥပဒေစိုးမိုးရေးကို ပြဌာန်းဥပဒေနှင့်အညီ ဘယ်လောက်အတိုင်းအတာ အထိ လုပ်နိုင်လဲ/ မ လုပ် နိုင် ဘူးလဲ စသည်ဖြင့် စိန်ခေါ်ချက်တစ်ခု ဖြစ်ပါတယ်၊ အဲဒီ စိန်ခေါ်ချက်ကို ဆောင်ရွက်ရာမှာ တရား သူကြီးတွေ၊ ဥပဒေတာဝန်ခံတွေ၊ အကျဉ်းဦးစီးဝန်ထမ်းတွေနဲ့ ဝန်ကြီးရုံးရှိ ဌာနကြီး ၆ ခုက လည်း ပါဝင်ပတ်သက်ပါတယ်။” ဟု တရားရေး ဝန်ကြီးဌာန၊ပြည်ထောင်စုဝန်ကြီး ဦးသိန်းဦးက ရှင်းပြသည်။

ယခုအခါ ဖက်ဒရယ်ယူနစ် အစိုးရများဖွဲ့စည်းလာပြီဖြစ်သဖြင့် ပြင်ဆင်ထားကြလိုအပ်ပြီး ၄ နှစ်တာ လ တာဝန်ထမ်းဆောင်ခဲ့ကြသည့် မြို့နယ်တရားသူကြီးများထဲမှ အရည်အချင်းအလိုက် ခရိုင်အဆင့်၊ ပြည်နယ်လွှတ်တော် အဆင့်၊ ပြည်နယ်တရုံးချုပ်အဆင့် တာဝန်ထမ်းဆောင်နိုင်မည့်သူများကို ရွေး ချယ် သွားမည်ဖြစ်ကြောင်း၊ အထူးသဖြင့် စစ်ကိုင်းတိုင်းတွင် စတင်နေပြီဖြစ်ပြီး မကွေးတိုင်းတွင် လည်း မကြာမီလုပ်ဆောင်သွားမည်ဖြစ်ကြောင်း NUG အစိုးရ၊ တရားရေးဝန်ကြီးဌာနက ထုတ်ပြန် ထားသည်။

The post NUGက အကောင်အထည်ဖော်နေသော တရားရေးစီရင်ရေးနှင့် တရားရေးကဏ္ဍ အခြေအနေများကို ကုလသမဂ္ဂက တရားရေးဝန်ကြီးဌာနထံသို့ တိုက်ရိုက်ဆက်သွယ် မေးမြန်း appeared first on Khit Thit Media.