politics

ရန်ကုန်၊ နိုဝင်ဘာ ၂၉ လက်ပံတောင်းတောင်ဒေသတွင် ပြည်သူများ စုပေါင်း၍ “ ဖက်ဆစ်ယန္တရားကို ဖြိုဖျက်၊ ပြည်သူ့ယန္တရားကို တည်ဆောက် "စာသားပါဘန်နာကို ကိုင်စွဲပြီး ယနေ့ နိုဝင်ဘာ ၂၉ ရက်နေ့တွင်လက်ပံတောင်းတောင်ဒေသ အာဏာရှင်ဆန့်ကျင်ရေး လူထု သပိတ်စစ်ကြောင်း ချီတက်ခဲ့ကြသည်။

ရန်ကုန်၊ နိုဝင်ဘာ ၂၉ ယင်းမာပင်မြို့နယ်တွင် ကယ်တင်ရှင်မရှာ ဒို့ကျေးရွာ သပိတ်စစ်ကြောင်း ဦးဆောင်ကာ ယနေ့ နိုဝင်ဘာလ ၂၉ ရက်နေ့တွင် အကြမ်းဖက် စစ်အာဏာရှင် ချေမှုန်းရေး ချီတက် ဆန္ဒပြခဲ့ကြောင်း သိရသည်။

ရန်ကုန်၊ နိုဝင်ဘာ ၂၉ အာဏာရှင် မလိုလား မြတ်ဗုဒ္ဓ သားတော်များ သပိတ် အင်အားစုမှ ဦးဆောင်ကာ ယနေ့ နိုဝင်ဘာလ ၂၉ ရက်နေ့တွင် "အဓမ္မမတရားမှုကိုဖယ်ရှားပြီး ဓမ္မအမှန်တရားကိုတည်ဆောက်ဖို့ အများကြီးမလိုဘူး သတ္တိရှိဖို့နဲ့လူပီသဖို့ပဲလိုတယ်" စာတန်း ကိုင်ဆောင်ကာ စစ်အာဏာရှင် တော်လှန်ရေး လှုပ်ရှားမှု ပြုလုပ်ခဲ့ကြောင်း သိရသည်။

ရန်ကုန်၊ နိုဝင်ဘာ ၂၉ အကြမ်းဖက် စစ်အာဏာရှင် အမြစ်ဖြတ် ချေမှုန်းရေး စစ်ကိုင်းတိုင်း၊ ယင်းမာပင်-ဆားလင်းကြီး ရွာပေါင်းစုံသပိတ်စစ်ကြောင်းသည် တောင်ယာလုပ်သားများနှင့် ပူးပေါင်း၍ နိုဝင်ဘာ ၂၉ ရက် ယနေ့တွင် ၆၂၈ ရက်မြောက် အဖြစ် ချီတက်ဆန္ဒပြကြသည်။