ရန်ကုန်၊ ဇန်နဝါရီ ၁၇
ကရင်နီပြည်နယ်၊ ဖရူဆိုရှိ စစ်ဘေးရှောင်စခန်းကို ယနေ့ နံနက် ၁ နာရီအချိန် စစ်တပ်က လေယာဥ်ဖြင့် ဗုံးကျဲသဖြင့် အသက် ၇ နှစ်အရွယ် သမီးငယ် အပါအဝင် စစ်ဘေးရှောင်ပြည်သူ ၃ ဦး ပွဲချင်းပြီးသေဆုံးသွားကြောင်း ပြည်သူ့ကာကွယ်ရေးတပ်၊ ဖရူဆိုက သတင်းထုတ်ပြန်သည်။
ဇန်နဝါရီ လ ၁၇ရက်နေ့ နံနက် ၁နာရီ၁၀မိနစ်ခန့်တွင် ဖရူဆိုအနောက်ဘက်ခြမ်း စစ်ရှောင်စခန်းတစ်ခု ကို စစ်ကောင်စီက လေယာဉ် ဖြင့် ဗုံးကျဲ သွားပါသဖြင့် စစ်ရှောင်သုံးဦး ၃ ဦးကို ထိမှန်သဖြင့် ပွဲချင်းပြီးသေဆုံးသွားကြောင်းသိရှိရသည် ။
သေဆုံးသွားသောစစ်ရှောင်များမှာ မိုဆိုကျေးရွာမှ စစ်ရှောင်လာသောပြည်သူများဖြစ်ပြီး အမျိုးသား တစ်ဦး အသက် ခန့်မှန်း ၅၀ ကျော် အမျိုးသမီး အသက်ခန့်မှန်း ၁၈နှစ် နှင့် အမျိုးသမီးငယ် အသက်ခန့်မှန်း ၇နှစ် တို့ဖြစ်ကြောင်း သိရှိရသည်။
