မန္တလေး၊ ချမ်းအေးသာစံမြို့နယ်ရှိ စစ်ကောင်စီ ကင်းစခန်းကို ပြောက်ကျားတပ်ဖွဲ့များ ဗုံးပစ်တိုက်ခိုက်၊ စစ်သား ၄ ဦး သေဆုံးဟုဆို

ရန်ကုန်၊ ဇန်နဝါရီ ၁၇

မန္တလေးမြို့၊ ချမ်းအေးသာစံမြို့နယ်၊ ၃၅ လမ်း၊ ၈၉လမ်းနှင့် လမ်း ၉၀ ကြားရှိ အကြမ်းဖက်စစ်ကောင်စီကင်းစခန်းတစ်ခုကို ယနေ့ ဇန်နဝါရီလ ၁၇ ရက် ညအစောပိုင်းတွင် မြို့ပြပြောက်ကျားတပ်ဖွဲ့များက ဗုံးပစ်သွင်းတိုက်ခိုက်ခဲ့ပြီး စစ်သား ၄ ဦး သေဆုံးသည်ဟု Phoenix အထူးပြောက်ကျားတပ်ဖွဲ့က သတင်းထုတ်ပြန်သည်။

အဆိုပါတိုက်ခိုက်မှုကို Justice Mandalay PDF နှင့် Phoenix အထူးပြောက်ကျားတပ်ဖွဲ့တို့က ပူးပေါင်းလုပ်ဆောင်ခဲ့ခြင်းဖြစ်ပြီး အထိအခိုက်မရှိ ပြန်လည် ဆုတ်ခွာနိုင်ခဲ့သည်ဟု သိရှိရသည်။