ရန်ကုန်၊ ဇန်နဝါရီ ၂၉
မြန်မာနိုင်ငံတစ်ဝန်း ပြည်သူများ၏ ပြင်းထန်သော ခုခံစစ်ကြောင့် စစ်ကောင်စီ တပ်ဖွဲ့ဝင် ၄၃ ဦးသေဆုံးပြီး ဗိုလ်မှူး၊ ဗိုလ်ကြီးနှင့် အရာရှိများပါ ပါဝင်သေဆုံးကြကြောင်း ဒေသကာကွယ်ရေးတပ်များ၏ ထုတ်ပြန်ချက်အရ သိရှိရသည်။
ကချင်ပြည်နယ်၊ မိုးညှင်းမြို့နယ်၊ ဟိုပင်မြို့တွင် ဇန်နဝါရီလ ၂၈ ရက်နေ့က PDF နှင့် KIA ၏ ပူးပေါင်းတိုက်ခိုက်မှုကြောင့် စစ်သား ၁၄ ဦးသေဆုံးပြီး စစ်ကြောင်းမှူး၊ ဒုတိယစစ်ကြောင်းမှူးတို့ပါ သေဆုံးသွားကြောင်း သိရှိရသည်။
အလားတူ ယနေ့ ဖယ်ခုံတိုက်ပွဲတွင် စစ်ကောင်စီဘက်မှ ၁၀ ဦးသေဆုံးပြီး စစ်တက္ကသိုလ် အပတ်စဉ် ၄၉ ဆင်း ခမရ ၄၂၁ တပ်ရင်းမှ ဗိုလ်ကြီးစိုးနိုင်လည်း သေဆုံးသွားကြောင်း သိရှိရသည်။
