ကလေး-တီးတိန်ကားလမ်းတွင် စစ်ကောင်စီတပ်ဖွဲ့များကို ဒေသကာကွယ်ရေးတပ်ဖွဲ့များ ၂ ကြိမ်မိုင်းဆွဲတိုက်ခိုက်၊ စစ်သား ထိခိုက်သေဆုံးမှုရှိနိုင် (ရုပ်/သံ)

ရန်ကုန်၊ ဖေဖေါ်ဝါရီ ၂၄

စစ်ကိုင်းတိုင်း ကလေးမြို့မှ ချင်းပြည်နယ် တီးတိန်မြို့ဘက်သို့ ထွက်ခွာလာသော စစ်ကောင်စီတပ်ဖွဲ့များကို ဒေသကာကွယ်ရေးတပ်ဖွဲ့များဖြစ်သော CDM Siyin နှင့် PDF Zoland မဟာမိတ်တပ်ဖွဲ့များက ယမန်နေ့ ဖေဖေါ်ဝါရီလ ၂၃ ရက်တွင် ၂ ကြိမ် မိုင်းဆွဲတိုက်ခိုက်ခဲ့ပြီး စစ်သားသေဆုံးထိခိုက်မှုရှိနိုင်ကြောင်း CDM Siyin က သတင်းထုတ်ပြန်သည်။

ယမန်နေ့ နံနက် ၁၁ နာရီကျော်တွင် ကလေးမှ ချင်းပြည်နယ်မြောက်ပိုင်းသို့ ခြေလျင် တက်လာသော စစ်ကောင်စီတပ်ဖွဲ့ကို မိုင်းဆွဲတိုက်ခိုက်ခဲ့ကြောင်း၊ ညနေ ၄ နာရီကျော်တွင် စစ်ကား ၁၈ စီးပါသော အကြမ်းဖက်စစ်ကောင်စီယာဉ်တန်းကို ထပ်မံ မိုင်းဆွဲတိုက်ခိုက်ခဲ့ပြီး သေဆုံးထိခိုက်မှု များနိုင်ကြောင်း သိရှိရသည်။