ရန်ကန်၊ မတ် ၂၀
ကရင်နီပြည်နယ်၊ ဒီးမော့ဆိုမြို့နယ် ဒေါငံခါးကျေးရွာတွင် တပ်စွဲထားသော အကြမ်းဖက်စစ်ကောင်စီတပ်သည် မတ်လ ၁၃ ရက်နေ့မှ မတ်လ ၂၀ ရက်နေ့အထိ တပတ်အတွင်း အများပြည်သူပိုင် နေအိမ်များမှ ပစ္ဏည်းများကို လုယက်၊ ခိုးယူသလို နေအိမ် ၄၀ လုံးထက်မနည်းကို မီးရှို့ဖျက်ဆီးလိုက်ကြောင်း ပြည်သူ့ကာကွယ်ရေးတပ်-ဒီးမော့ဆိုက သတင်းထုတ်ပြန်သည်။
ဒေါငံခါးကျေးရွာတွင် မတ်လ ၁၃ ရက်နေ့က စစ်ကောင်စီတပ်နှင့် ကရင်နီပူးပေါင်းတပ်ဖွဲ့ကြား တိုက်ပွဲပြင်းထန်ခဲ့ပြီး စစ်ကောင်စီ၏ အတွဲလိုက်ဒုံး (MLRS) များဖြင့် ပစ်ကူမှုကြောင့် ကရင်နီတပ်ဖွဲ့များ ဒေါငံခါးကျေးရွာမှ ခေတ္တဆုတ်ခွာပေးခဲ့ရသည်။
ယင်းနောက် အကြမ်းဖက်စစ်သားများသည် ဒေါငံခါးကျေးရွာအပါအဝင် ဒီ/ကျေး အုပ်စုအတွင်းရှိ အများပြည်သူပိုင် ပစ္စည်းဥစ္စာများကို ခိုးယူသလို ပြည်သူပိုင်နေအိမ်များကို မီးရှို့ဖျက်ဆီးနေခြင်းဖြစ်သည်။
