ရန်ကုန်၊ မတ် ၂၄
ကသာမြို့နယ်၊ မိုးတားလေးကျေးရွာမှ အောက်ဖက် ဝဲကြီးကျေးရွာသို့ ခြေလျင်ထွက်ခွာလာသော စစ်ကောင်စီတပ်ဖွဲ့ကို ယနေ့ မတ်လ ၂၄ ရက် နံနက် ၇ နာရီ ၂၀ မိနစ်ခန့်တွင် မြို့လှ PDF က မိုင်းဆွဲတိုက်ခိုက်ခဲ့ပြီး M79 ဗုံးသီးများဖြင့် ပစ်ခတ်၍ စစ်သား ၃ ဦး သေဆုံးသွားကြောင်း သတင်းရရှိသည်။
အဆိုပါ အင်အား ၄၅ ဦးခန့်ရှိ စစ်ကောင်စီတပ်ဖွဲ့သည် မြစ်ကြောင်းတလျှောက် သင်္ဘောလုံခြုံရေးယူပေးနေသည့် တပ်ဖွဲ့ဖြစ်ကြောင်း ၁၀ မိနစ်ခန့် အပြန်အလှန် ပစ်ခတ်ခဲ့ကြောင်း PDF များ အထိအခိုက်မရှိ ဆုတ်ခွာခဲ့ကြောင်း မြို့လှ PDF က သတင်းထုတ်ပြန်သည်။
အလားတူ ကလေးမြို့နယ်၊ မြစ်သာမြစ်အနီးတွင် စစ်ကောင်စီနှင့် ပျူစောထီးတပ်ဖွဲ့ကို PDF – Kalay အဖွဲ့က ပစ်ခတ်တိုက်ခိုက်ခဲ့ပြီး စစ်သားနှင့် ပျူစောထီး ၃ ဦး ကျည်ထိမှန်ဒဏ်ရာရကြောင်း သိရှိရဿည်။
တိုက်ခိုက်မှုများသည် မတ်လ ၂၂ ရက် ညနေ ၅ နာရီဝန်းကျင်နှင့် မတ်လ ၂၃ ရက်များတွင် ဖြစ်ပွားခဲ့ခြင်းဖြစ်ပြီး PDF များ အထိအခိုက်မရှိဟု PDF – Kalay က ထုတ်ပြန်သည်။
ဓါတ်ပုံ – မြို့လှ PDF တပ်ဖွဲ့ဝင် ၁ ဦး
