ရန်ကုန်၊ ဧပြီ ၁၇
ကရင်နီပြည်နယ်တွင် နယ်မြေကျူးကျော် ထိုးစစ်ဆင်နေသော အကြမ်းဖက်စစ်ကောင်စီ၏ တပ်မ (၆၆)၊ ခမရ (၁၀၈) မှ တပ်ရင်းမှူး ဝင်းထိုက်စိုး ဦးဆောင်သောစစ်ကြောင်းကို ကရင်နီပူးပေါင်းအဖွဲ့က ဧပြီလ ၁၄ ရက်နေ့တွင် မိုင်းဆွဲ တိုက်ခိုက်ခဲ့ပြီး တပ်ရင်းမှူး ဝင်းထိုက်စိုး အပြင်းအထန် ဒဏ်ရာရ၍ လွိုင်ကော်စစ်ဆေးရုံတွင် ဆေးကုသနေကြောင်း၊ ဒဏ်ရာပြင်းထန်၍ သေဆုံးနိုင်ကြောင်း ကရင်နီအမျိုးသားများကာကွယ်ရေးတပ် KNDF က သတင်းထုတ်ပြန်သည်။
တပ်ရင်းမှူး ဝင်းထိုက်စိုး ဦးဆောင်သော စစ်ကြောင်းသည် ဖရူဆိုမြို့နယ်၊ ထားလဲကျေးရွာနှင့် နန်းဖဲကျေးရွာကြားတွင် မိုင်းဆွဲခံရခြင်းဖြစ်ပြီး ၄ ဦးသေဆုံးကာ ဝင်းထိုက်စိုးအပါအဝင် ၃ ဦး ဒဏ်ရာရခဲ့ခြင်းဖြစ်သည်။
မိုင်းဆွဲတိုက်ခိုက်ပြီးနောက် ကရင်နီပူးပေါင်းအဖွဲ့မှ ခဲယမ်းအချို့ သိမ်းဆည်းရမိခဲ့ကြောင်း သိရှိရသည်။
