By ရန်ကုန်ခေတ်သစ်
ဒီကနေ့ ဧပြီ ၁၉ ရက် မနက်ရရှိထားတဲ့သတင်းတွေကတော့
-မြန်မာနိုင်ငံမှာ မင်းအောင်လှိုင်ခေါင်းဆောင်တဲ့စစ်တပ်အာဏာသိမ်းမှုဖြစ်ပွားပြီးနောက်ပိုင်း ပြည်သူ့ရင်ခွင်ကို ခိုလှုံလာသူ စစ်ကောင်စီတပ်ဖွဲ့ဝင်အင်အားဟာတစ်သောင်းနီးပါးရှိလာပြီလို့ အမျိုးသားညီညွှတ်ရေးအစိုးရ ပြည်ထောင်စုဝန်ကြီးချုပ်မန်းဝင်းခိုင်သန်းက ဧပြီလ ၁၈ ရက်နေ့မှာကျင်းပတဲ့လွှတ်တော်အစည်းအဝေးမှာ ပြောလိုက်ပါတယ်။
-စစ်ကိုင်းတိုင်း၊ ကောလင်းမြို့နယ်၊ ကုက္ကိုလ်ကုန်းကျေးရွာအနီး ရွှေဘို-မြစ်ကြီးနားကားလမ်းမှာ သိန်း ၉၀၀ ကျော် တန်ကြေးရှိ ဘိန်းဖြူတွေဖမ်းဆီးရမိတယ်လို့ ကောလင်းမြို့နယ် ပြည်သူ့ကာကွယ်ရေးအဖွဲ့က ထုတ်ပြန်ပါတယ်။
-တနင်္သာရီမြို့နယ်ဘက်မှာတော့ စစ်တပ်အရာရှိတပ်သားတွေဟာ စိတ်ကြွဆေးနဲ့မူးယစ်ဆေးတွေသုံးစွဲတဲ့အပြင် ရောင်းဝယ်ဖောက်ကားတာတွေလည်း ရှိနေတယ်လို့ သိရပါတယ်။
-ရန်ကုန်တိုင်း သန်လျင်မြို့နယ်မှာ အကြမ်းဖက်စစ်တပ်သတင်းပေးလို့ သတ်မှတ်ခံရသူ ဇော်မင်းထွန်းနဲ့ လှသန်းဦးတို့ ဧပြီလ ၁၈ ရက်နေ့ မနက်ပိုင်းက ပစ်ခတ်ခံရလို့ ပွဲချင်းပြီးသေဆုံးခဲ့တဲ့သတင်းအပါအဝင် နောက်ဆုံးရသတင်းတွေကို တင်ဆက်ပေးပါမယ်။
