ရန်ကုန်၊ မေ ၈
မြန်မာ့နွေဦးတော်လှန်ရေး ဒုတိယလှိုင်း ချီတက်ဆန္ဒပြပွဲကို အမေရိကန်ပြည်ထောင်စု၊ နယူးယောက်ရှိ Time Square တွင် NYCBC (New York City Burmese Community) အဖွဲ့က ဦးဆောင်ကာ မြန်မာပြည်ဖွားတိုင်းရင်းသား ညီအစ်ကိုမောင်နှမများက မေလ ၇ ရက် ညနေ ၃ နာရီမှ ၅ နာရီအထိ ကြွေးကြော်ဆန္ဒပြကြသည်။
‘’ပြည်သူ့ဆန္ဒနဲ့ပြည်သူသာအဓိက” “အာဏာရှင်စနစ်ဟာ မြန်မာပြည်နဲ့ကမ္ဘာပေါ်မှာ လုံးဝ၊ လုံးဝ မရှိစေရတော့ဘူး”၊ “တစ်တိုင်းပြည်လုံးတွန်းလှန်နေတာ၊ ဒီတစ်ကြိမ်ဟာငါတို့အောင်ပွဲ” ဆိုတဲ့ သန္နိဌာန်ခံယူချက်များကို ကျယ်ကျယ်လောင်လောင်အတူတကွကြွေးကြော်ပြီး အဆုံးထိတိုက်ကြဖို့ထပ်မံဆန္ဒပြုခဲ့ကြောင်း သိရှိရသည်။
