By ရန်ကုန်ခေတ်သစ်
ဒီကနေ့ မေ ၁၇ ရက် နေ့လယ်ပိုင်း ရရှိထားတဲ့သတင်းတွေကတော့
-အကြမ်းဖက်စစ်ကောင်စီနဲ့ ရွှေလုပ်ငန်းရှင်များအသင်းတို့ ပူးပေါင်းပြီး ရွှေရောင်းသူ နဲ့ ရွှေဆိုင်တွေ လိုက်နာရမယ့် စည်းကမ်း ၇ ချက် ထုတ်ပြန်လိုက်တဲ့အပြင် ၊ လက်ရှိမှာ ရွှေကုန်သည် နဲ့ ရွှေဆိုင်ပိုင်ရှင် တချို့ကို အထူးစုံစမ်း စစ်ရေး ဦးစီးဌာနက ခေါ်ယူစစ်ဆေးမှုတွေ လုပ်ဆောင်နေတယ်လို့ ရွှေကုန်သည် ဆီကနေ သိရပါတယ်။
-မန္တလေးကနေ ဆန်တက်လာတဲ့ နှစ်ထပ် စစ်သင်္ဘော ၃ စီးထဲက ၁ စီးဟာ ရှော့ခ်တိုက်ဒုံး ထိမှန်ပြီး စစ်ကောင်စီတပ်သား ၁၀ ဦးနီးပါး သေဆုံးနိုင်ဖွယ်ရှိတယ်လို့ ဒေသကာကွယ်ရေးတပ် နဲ့ ဒေသခံတွေ ဆီကနေ သိရပါတယ်။
– အကြမ်းဖက် စစ်ကောင်စီရဲ့ စစ်လေယာဉ်တွေ အတက်အဆင်းလုပ်နေပြီး ၊ ရန်ကုန်လေဆိပ် အတွက် ဓာတ်အားပေးနေတဲ့ ၁၀ မိုင်လျှပ်စစ် ခွဲရုံကို မေလ ၁၆ ရက်နေ့ မနက် ၆ နာရီဝန်းကျင်လောက်မှာ ဗုံးခွဲမှု ပြုလုပ်ခဲ့တဲ့သတင်းအပါအဝင် နောက်ဆုံးရသတင်းတွေကို တင်ဆက်ပေးပါမယ်။
