ရန်ကုန်၊ ဩဂုတ် ၁
ရှမ်းပြည်နယ်၊ မူဆယ်မြို့တွင် ယနေ့ နံနက် ၁၁ နာရီ ၁၁ မိနစ်အချိန် ဗုံးပေါက် ကွဲမှုဖြစ်ပွားပြီးယာဉ်ထိန်းရဲ၁ ဦးနှင့်စစ်သား ၂ ဦး စုစုပေါင်း ၃ ဦး ဗုံးထိမှန်လဲကျနေကြောင်း မြို့ခံများက ပြောသည်။
“မူဆယ် နာရီစင်နားက ယာဉ်ထိန်းရဲကင်းမှာ ကွဲတာ။ စစ်သား ၁ ယောက်မော်တော်ပီကယ် ၁ ယောက် လဲကျသွားတယ်။ မထနိုင်ဘူး။ သေ မသေတော့မသိဘူး” ဟု ဒေသခံတစ်ဦးက ပြောဆိုသည်။
မူဆယ်ဆေးရုံကြီးသတင်းရင်းမြစ်၏ ပြောဆိုချက်အရ ဗုံးထိမှန်သော စစ်သား မှာ သေဆုံးသွားပြီး ယာဉ်ထိန်းရဲမှာလည်း အခြေအနေမကောင်းကြောင်း၊ အခြားစစ်သားတစ်ဦးမှာမူ ဒဏ်ရာရရှိကြောင်း သိရှိရသည်။
