ရန်ကုန်၊ ဩဂုတ် ၂
ရုရှားနိုင်ငံခြားရေးဝန်ကြီး Sergei Lavrovသည် ဩဂုတ်လ ၃ ရက်နေ့တွင် နေပြည်တော်သို့ ရောက်ရှိလာပြီး အကြမ်းဖက်စစ်ခေါင်းဆောင်များနှင့် တွေ့ဆုံမည်ဖြစ်သည်။
ရုရှားက ယူကရိန်းကို ကျူးကျော်ပြီးနောက် အနောက်နိုင်ငံကြီးများ၏ ပိတ်ဆို့မှု ခံနေရစဉ် ရုရှားသည် အရှေ့အလယ်ပိုင်း၊ အာရှနှင့် အာဖရိကနိုင်ငံများနှင့် ဆက် ဆံရေး တိုးမြှင့်လျက်ရှိသည်။
ရုရှားနှင့်မြန်မာအကြား ကာကွယ်ရေးနှင့်လုံခြုံရေးဆိုင်ရာ ပူးပေါင်းဆောင်ရွက်ရေး ကိစ္စများလည်း ဆွေးနွေးမည့် အကြောင်းအရာများတွင် ပါဝင်မည်ဖြစ် ကြောင်း ရုရှားနိုင်ငံခြားရေးဝန်ကြီးဌာန၏ ထုတ်ပြန်ချက်အရ သိရှိရသည်။
ရုရှားနိုင်ငံခြားဝန်ကြီးနှင့်ကိုယ်စားလှယ်အဖွဲ့လိုက်ပါသော IL96 လေယာဉ်သည် နေပြည်တော်သို့ ဩဂုတ်လ ၃ ရက်နေ့တွင် ဆိုက်ရောက်လာခြင်းဖြစ်သည်။
ဓာတ်ပုံ- ရုရှားနိုင်ငံခြားရေးဝန်ကြီး Sergei Lavrovသို့ နေပြည်တော်သို့ ရောက်ရှိလာစဉ်။
