By ရန်ကုန်ခေတ်သစ်
ဒီကနေ့ ဩဂုတ် ၃ ရက်နေ့လယ်ပိုင်း ရရှိထားတဲ့သည့် သတင်းတွေကတော့
-ပဲခူးတိုင်း၊ တောင်ငူမြို့မှာရှိတဲ့ အကြမ်းဖက် စစ်ကောင်စီရဲ့ လေတပ်က MI-G 29 စစ်တိုက်လေယာဉ်မှူး ဗိုလ်ကြီး သီဟန်ထူးရဲ့ နေအိမ် ဩဂုတ်လ ၂ ရက်နေ့ ညပိုင်းမှာ မီးရှို့ခံရတယ်လို့ သိရပါတယ်။
– စစ်ကိုင်းတိုင်း၊ မုံရွာ-မန္တလေး ၊ ကားလမ်းတလျှောက် အကြမ်းဖက် စစ်ကောင်စီရဲ့ ၃၇ စီးပါ စစ်ယာဉ် တန်း ဖြတ်သန်းဖို့အတွက် ကင်းပုန်းတွေ ချထားတဲ့အချိန် ချောင်းဦး PDF က နေရာ ၅ ခုမှာ မိုင်းခွဲတိုက်ခိုက် လိုက်ပြီး စစ်ကောင်စီဘက်က အယောက် ၂၀ ထက်မနည်း သေဆုံးသွားတယ်လို့ ချောင်းဦး PDF က သတင်းထုတ်ပြန်ထားပါတယ်။
– ကချင်ပြည်နယ်၊ ဝိုင်းမော်မြို့နယ်၊ ဝိုင်းမော်-ကန်ပိုက်တီ ကားလမ်း၊ အင်ဝမ်းယာန်ကျေးရွာ အနီးမှာရှိ တဲ့ အကြမ်းဖက် စစ်ကောင်စီတပ် နဲ့ ပြည်သူ့စစ်တွေ စခန်းချတပ်စွဲထားတဲ့ ဂိတ်စခန်းကို KIA တပ်ဖွဲ့ ကနေ ဩဂုတ်လ ၂ ရက် မနက်ပိုင်းမှာ တိုက်ခိုက်ရှင်းလင်းခဲ့တဲ့အပြင် လက်နက်အချို့ပါ သိမ်းဆည်းရမိ ခဲ့တဲ့သတင်းအပါအဝင်နောက်ဆုံးရသတင်းတွေကို တင်ဆက်ပေးပါမယ်။
