ရန်ကုန်၊ စက်တင်ဘာ ၂၉
မွန်ပြည်နယ်၊ သထုံမြို့နယ်တွင် စစ်ကောင်စီလက်အောက်ခံ ပျူစောထီးခေါင်း ဆောင် စိုးဝင်းကို ယနေ့ နံနက်ပိုင်းတွင် သထုံပြည်သူ့ကာကွယ်ရေးတပ်ဖွဲ့ (ပကဖ)က နန်းထိုက်အောင် စစ်ဆင်ရေးအဖြစ် ပစ်ခတ်ရာမှ သေဆုံးသွားကြောင်း သထုံပကဖက ရန်ကုန်ခေတ်သစ်သတင်းဌာနထံသို့ ပြောဆိုသည်။
စက်တင်ဘာလ ၂၉ ရက်နေ့ နံနက် ၇ နာရီ ၄၀ မိနစ်အချိန် PDF တွေကို ချေမှုန်းပြမည်ဟုကြွေးကြော်နေသော ပျူစောထီးခေါင်းဆောင် ဒေးဗရိန်းဖိုးထောင်(ခ) စိုးဝင်းကို လက်ဖက်ရည်ဆိုင်ထိုင်နေချိန် သထုံပြည်သူ့ကာကွယ် ရေးအဖွဲ့ (ပကဖ) မှ နန်းထိုက်အောင်စစ်ဆင်ရေးအနေဖြင့် ရှင်းလင်းခဲ့ကြောင်း၊ ခြောက်လုံးပြူး သေနတ်ရရှိခဲ့ကြောင်း သိရှိရသည်။
“သူ့နာမည်အရင်းက စိုးဝင်း။ အများခေါ်တာက ဒေးဗရိန်းရွာကမို့လို့ ဒေးဗရိန်း ဖိုးထောင်လို့ခေါ်တာ ။ ပျူစောထီးခေါင်းဆောင် ။ PDF တွေကို ချေမှုန်းမယ်ဆိုပြီး ကြွေး ကြော်ခဲ့တာ။ အခုတော့ သေသွားပြီ” ဟု သထုံပကဖမှ တာဝန်ရှိသူတစ်ဦးက ပြောဆိုသည်။
