ရန်ကုန်၊ စက်တင်ဘာ ၃၀
မန္တလေးတိုင်း၊ ညောင်းဦးမြို့နယ်မှ မန္တလေးတိုင်း ကြံ့ဖွတ်ပါတီ လွှတ်တော်ကိုယ်စားလှယ် အောင်မင်းထိုက်သည် စက်တင်ဘာလ ၂၉ ရက်နေ့တွင် ပစ်ခတ်ခံရပြီး သေဆုံးသွားကြောင်း ပုဂံပြည်ဘီလူးတပ်မှ တာဝန်ရှိသူတစ်ဦးက ရန်ကုန်ခေတ်သစ်သတင်းဌာနထံသို့ ပြောဆိုသည်။
စက်တင်ဘာလ ၂၉ ရက်နေ့ နံနက် ၇ နာရီ ၄၀ မိနစ် အချိန်တွင် အောင်မင်းထိုက်ကို ပုဂံပြည် ဘီလူးတပ်နှင့် မဟာမိတ်ညီနောင်များ ပူးေါပင်း၍ ကျည် ၄ ချက်ဖြင့် ပစ်ခတ်ရာ သေဆုံးသွားကြောင်း သိရှိရသည်။
အောင်မင်းထိုက်သည် ၂၀၂၀ ရွေးကောက်ပွဲတွင် ကြံ့ဖွတ်ပါတီ ကိုယ်စားပြုပြီး ညောင်ဦးမြို့နယ် မဲဆန္ဒနယ် အမှတ် ၁ ၊ မန္တလေးတိုင်းဒေသကြီးလွှတ်တော်ကိုယ်စားလှယ်နေရာအတွက် ဝင်ရောက်ယှဉ်ပြိုင်ခဲ့ပြီး ရှုံးနိမ့်ခဲ့သူလည်းဖြစ်သည်။
အောင်မင်းထိုက်သည် စစ်တပ်နှင့်ပူးပေါင်းပြီး အပြစ်မဲ့ ပြည်သူများကို အတင်းအဓမ္မ ဖမ်းဆီးခိုင်းခြင်း၊ စစ်ကောင်စီအတွက် ငွေကြေး ရှာပေးခြင်း၊ ပြည်သူများအပေါ် နည်းလမ်းအမျိုးမျိုးဖြင့် ဒုက္ခပေးနေသောကြောင့် ရှင်းလင်းရခြင်းဖြစ်သည် ပုဂံပြည် ဘီလူးတပ်မှ တာဝန်ရှိသူက ပြောဆိုသည်။
ဓာတ်ပုံ- ပစ်ခတ်ခံရပြီး သေဆုံးသွားသော ကြံဖွတ်အမတ်လောင်း အောင်မင်းထိုက်။
