ဒီပဲယင်း၊ ပျံကျရွာကို စစ်တပ်က ဒုတိယအကြိမ် ရွာလုံးကျွတ် မီးတင်ရှို့နေ
ရန်ကုန်၊ ဒီဇင်ဘာ ၂၂
စစ်ကိုင်းတိုင်း၊ ဒီပဲယင်းမြို့နယ်၊ ပျံကျရွာကို အကြမ်းဖက် စစ်တပ်က ဒုတိယအကြိမ် ရွာလုံးကျွတ် မီးရှို့ဖျက်ဆီးနေကြောင်း ဒေသခံ ပြည်သူများက ရန်ကုန်ခေတ်သစ် မီဒီယာသို့ ပြောဆိုသည်။
ဒီဇင်ဘာလ ၂၂ ရက်နေ့ ညနေ ၅ နာရီ ၃၀ မိနစ်ခန့်တွင် အကြမ်းဖက် စစ်တပ် စစ်ကြောင်းကို ပျံကျရွာအနီး ဒေသခံ ကာကွယ်ရေး တပ်ဖွဲ့များက မိုင်းဆွဲ တိုက်ခိုက်ခဲ့ပြီးနောက် အကြမ်းဖက် စစ်သားများက ကျေးရွာအတွင်း ဝင်ရောက် စီးနင်း မီးရှို့ဖျက်ဆီးနေခြင်း ဖြစ်ကြောင်း သိရသည်။
“သတင်းကြားရသလောက် စစ်ခွေးတွေက တစ်ရွာလုံးနီးပါး ရှို့နေတယ်လို့ သိရတယ်။ ညနေ ၅ နာရီကျော်လောက်က စရှို့တာ ကျေးရွာနားမှာ မိုင်းဆွဲ တိုက်ခိုက်ခံရပြီး ရွာထဲကို ဝင်စီးပြီး မီးရှို့နေတာ အရင် တစ်ကြိမ် မီးရှို့ခံရတုန်းက နေအိမ် ၃၀ လောက်ပြာကျသွားတယ်” ဟု ဒေသခံ ပြည်သူ တစ်ဦးကပြောဆိုသည်။
