မင်းအောင်လှိုင် ရန်ကုန်ရောက်ချိန် လုံခြုံရေးတင်းကျပ် ထားသည့်ကြားမှ တာမွေ ကျောက်မြောင်း ပွဲစျေး နှင့် မရမ်းကုန်းတို့တွင် ဗုံးများပေါက်ကွဲ
ရန်ကုန်၊ ဒီဇင်ဘာ ၂၃
အကြမ်းဖက် စစ်ခေါင်းဆောင် မင်းအောင်လှိုင် ရန်ကုန်ရောက်နေချိန် လုံခြုံရေး တင်းကျပ်ထားသည့်ကြားမှ တာမွေကျောက်မြောင်းပွဲစျေးတန်း အနီး နှင့် မရမ်းကုန်း တို့တွင် ဗုံးများပေါက်ကွဲကြောင်း ရန်ကုန်မြို့ခံများက ပြောသည်။
ဒီဇင်ဘာလ ၂၃ ရက်နေ့ ည ၈ နာရီ ၄၀ မိနစ်ဝန်းကျင်အချိန်တွင် တာမွေမြို့ နယ်၊ ကျောက်မြောင်းပွဲစျေးအနီးတွင် ဗုံးပေါက်ကွဲသွားပြီး ပွဲစျေးမှ လူတချို့ ၀ရုန်းသုန်းကား ထွက်ပြေးရကြောင်း တာမွေ ပြည်သူတချို့က ပြောဆိုသည်။
“ကျောက်မြောင်းပွဲဈေးဗုံးပေါက်တာ အမျိုးသမီး ၁ ဦးနဲ့ ကလေး ၁ ဦး ထိသွားတယ်။ ပွဲစျေးက လူမရှိပါဘူး။ ဗုံးပေါက်တော့ မရှိတဲ့လူတွေပါ ၀ရုန်း သုန်းကား ပြေးတယ်။ လူနာတင်ကား ၁ စီးလာတယ်။ ဒဏ်ရာရတာက အသက် အန္တရာယ် မစိုးရိမ်ရဘူး။ ခြေထောက်မှာ ဗုံးစ ထိတယ်လို့ပြောတယ်။အခုတော့ ခွေးတွေ ရောက်နေကြပြီ” ဟု တာမွေ ပြည်သူတစ်ဦးက ဆိုသည်။
အလားတူ မရမ်းကုန်းမြို့နယ်တွင်လည်း ယနေ့ ည ၉ နာရီ ၂၀ မိနစ်အချိန် ဗုံးပေါက် ကွဲသံ ၂ ချက်ကြားရပြီး ပေါက်ကွဲသံ အလွန်ကျယ်လောင်ကြောင်း၊ မည် သည့်နေရာတွင် ပေါက်ကွဲသည်ကို မသိရှိရသေးသော်လည်း ဗုံးပေါက်သံ ကျယ်လောင်မှုကို မရမ်းကုန်းမြို့နယ်နေရာတချို့မှ ကြားရကြောင်း မရမ်ကုန်း မြို့နယ်၊ ကျိုက်၀ိုင်းဘုရားလမ်း နေထိုင်သူ တစ်ဦးက ပြောဆိုသည်။
ဓာတ်ပုံ- ရန်ကုန်မှာ ဒီနေ့ ခရစ္စမတ်ပွဲတော် ဝတ်ပြုဆုတောင်းပွဲ အတင်း လာ တက်တဲ့ အကြမ်းဖက် မင်းအောင်လှိုင် နဲ့ မိန်းမ ကြူကြူလှ။
