Khit Thit သတင်းဌာန၏ ဒီဇင်ဘာ ၂၀ ရက် ညနေပိုင်း ရုပ်သံသတင်းအစီအစဉ်

Khit Thit သတင်းဌာန၏ ဒီဇင်ဘာ ၂၀ ရက် ညနေပိုင်း ရုပ်သံသတင်းအစီအစဉ် By ရန်ကုန်ခေတ်သစ် ဒီကနေ့ ဒီဇင်ဘာ ၂၀ ရက် ညနေပိုင်းတင်ဆက်ပေးမယ့်သတင်းတွေကတော့ -နိုင်ငံရေး၊ စစ်ရေးအချိုးအကွေ့ဖြစ်နိုင်တဲ့ လာမယ့် ၂၀၂၃ နှစ်မှာ တော်လှန်ရေး မဟာဗျူဟာ နဲ့ နည်းဗျူဟာတွေ အလွဲအချော်မဖြစ်ရေးအတွက် စစ်ကောင်စီရဲ့ အတုအယောင်ရွေးကောက်ပွဲကို တုံ့ပြန်ဖို့ သမ္မတဒူဝါလရှီးလကနေ ဒီကနေ့ ဒီဇင်ဘာလ ၂၀ ရက်နေ့မှာ ညွှန်ကြားလိုက်ပါတယ်။ -မွန်ပြည်နယ်၊ ရေးမြို့နယ်က အကြမ်းဖက် စစ်ကောင်စီရဲ့ ခလရ ၅၈၆ တပ်ရင်းကို ဒီကနေ့ ဒီဇင်ဘာလ ၂၀ ရက်နေ့ မွန်းလွဲပိုင်းက ရေးဘီလူးအဖွဲ့ကနေ RPG နဲ့ ပစ်ခတ်ရာမှာ စစ်ကောင်စီတပ်သား ၄ ဦးသေ သွားပြီး ၊ ၃ ဦးပြင်းထန်ဒဏ်ရာရသွားတယ်လို့ ရေးဘီလူး တပ်ဖွဲ့ ခေါင်းဆောင် က ရန်ကုန် ခေတ်သစ် ကို ပြောပါတယ်။ – တနင်္သာရီတိုင်း၊ လောင်းလုံးမြို့နယ်မှာ မူးယစ်ဆေးဝါးရောင်းဝယ်နေတဲ့ စစ်ကောင်စီခန့် အုပ်ချုပ် ရေးမှူးတစ်ဦး နဲ့ ပျူစောထီးအဖွဲ့ဝင် တစ်ဦးစုစုပေါင်း ၂ ဦးကို ပြည်သူ့ကာကွယ်ရေးတပ်ဖွဲ့ တွေက ပစ်ခတ်ရှင်းလင်းရာမှာ ၂ ဦးလုံး သေသွားပြီး လက်နက်တွေပါ သိမ်းဆည်း ရမိခဲ့တဲ့ သတင်းအပါအဝင် နောက်ဆုံးရသတင်းတွေကို တင်ဆက်ပေးပါမယ်။