တမူးတွင် စစ်ကောင်စီလက်အောက်ခံ ရွေးကောက်ပွဲကော်မရှင်ရုံးကို မီးရှို့ဖျက်ဆီး
ရန်ကုန်၊ ဇန်နဝါရီ ၁၉
စစ်ကိုင်းတိုင်း၊ တမူးမြို့ရှိ အကြမ်းဖက်စစ်ကောင်စီလက်အောက်ခံ ရွေးကောက်ပွဲကော်မရှင်ရုံးကို ယနေ့ ဇန်နဝါရီလ ၁၉ ရက် နံနက် ၁၀ နာရီခန့်တွင် မီးရှို့ဖျက်ဆီးခဲ့ကြောင်း တမူးမြို့နယ် ပြည်သူ့ကာကွယ်ရေး အဖွဲ့ တာဝန်ခံ စင်္ကြာက ပြောကြားသည်။
အကြမ်းဖက်စစ်ကောင်စီက အတုအယောင်ရွေးကောက်ပွဲကို ကျင်းပရန် ရွေးကေက်ပွဲကော်မရှင်ကို အ တင်းအကြပ်ဖိအားပေးနေကြောင်း၊ ထို့ကြောင့် ယင်းရွေးကောက်ပွဲကို သတိပေးတားမြစ်သည့် အနေဖြင့် အတုအယောင်ရွေးကောက်ပွဲအတွက် ပြုစုထားသော စာရွက်စာတမ်းများထိန်းသိမ်းထားသည့် တမူးရွေး ကောက်ပွဲကော်မရှင်ရုံးကို မီးရှို့ဖျက်ဆီးခဲ့ခြင်းဖြစ်ကြောင်း သိရသည်။
အဆိုပါကော်မရှင်ရုံးအား မီးရှို့ဖျက်ဆီးမှုကို ပြည်သူ့ကာကွယ်ရေးအဖွဲ့ တမူးမြို့နှင့် ABSDF တပ်ရင်း ၅ (တမူး) တို့ ပူးပေါင်းကာ လုပ်ဆောင်ခဲ့ခြင်းဖြစ်ပြီး နောက်နောင်တွင်လည်း အကြမ်းဖက်စစ်ကောင်စီ၏ အတုအယောင်ရွေးကောက်ပွဲနှင့်ပတ်သက်ဆက်နွှယ်သော မည်သည့် ပုဂ္ဂိုလ်၊ အဖွဲ့အစည်း၊ အဆောက် အဦကို မဆို ပြင်းထန်စွာ အရေးယူ အပြစ်ပေးမည်ဖြစ်ကြောင်း အသိပေးထုတ်ပြန်ထားသည်။
