ဖားကန့်နှင့်လားရှိုးတွင် တိုက်ပွဲများ ဖြစ်ပွား ၊ မတ္တရာတွင် စစ်တပ် ဂိတ်စခန်း ကို ဒရုန်းဖြင့် ဗုံးသီးချ တိုက်ခိုက်မှု ၂ ဦးသေဆုံး
ရန်ကုန်၊ ဇန်နဝါရီ ၃၀
ကချင်ပြည်နယ်၊ ဖားကန့်မြို့နယ်၊ လုံးခင်းလယ်ပြင်ရှိ အကြမ်းဖက်စစ်တပ်ဂိတ် စခန်း ကို KIAတပ်ဖွဲ့မှ ဝင်ရောက်တိုက်ခိုက်ခဲ့ကြောင်း KIA သတင်းရင်းမြစ်ထံမှ သိရသည်။
ယနေ့ ဇန်နဝါရီလ ၃၀ ရက် နံနက်အစောပိုင်း ၂ နာရီခန့်က အကြမ်းဖက် စစ် တပ် တပ်မ ၃၃ မှ နေရာ နေရာယူကာ ဂိတ်စခန်းဖွင့်ထားသော အကြမ်းဖက် စစ်သားများကို ကချင်လွတ်မြောက်ရေးတပ်မတော် KIA တပ်မဟာ ၉ ၊ အမှတ် ၆ တပ်ရင်း တပ်ဖွဲ့များမှ ဝင်ရောက်တိုက်ခိုက်ခဲ့ခြင်းဖြစ်ပြီး အကြမ်းဖက် စစ် သား များထိခိုက်သေဆုံးမှုများပြားပြီး အရေအတွက် အတိအကျ မသိရသေး ဟု ဆိုသည်။
တိုက်ပွဲဖြစ်ရာနေရာသို့ အခြားအမြင့်တနေရာတွင်နေရာယူထားသော အကြမ်း ဖက် စစ်တပ်မှ လက်နက် ကြီးပစ်ကူပေးတိုက်ခိုက်ခဲ့ကြောင်း သိရသည်။
အလားတူ ရှမ်းပြည်နယ်၊ လားရှိုးမြို့နယ်၊ မန်ကောင်ရွာအနီး အကြမ်းဖက် စစ် တပ်မှ TNLA တပ်စခန်းကို လက်နက်ကြီးဖြင့် စတင်ပစ်ခတ်ရာက တိုက်ပွဲ ဖြစ်ခဲ့ကြောင်း TNLA တပ်ဖွဲ့၏ သတင်းရင်းမြစ်များထံမှ သိရသည်။
ဇန်နဝါရီလ ၂၉ ရက် မွန်းလွဲ ၁ နာရီခွဲခန့်တွင် အကြမ်းဖက် စစ်ကောင်စီ လက် အောက်ခံ တပ်ရင်း ၅၀၄ တပ်ဖွဲ့မှ တပ်သားများသည် တအာင်းပြည်နယ်၊ တပ် မဟာ (၆)စစ်ဒေသ၊ မန်ကောင်းကျေးရွာသို့ စစ်ကြောင်းထိုးဝင်ရောက်ကာ တ အာင်း အမျိုးသားလွတ် မြောက်ရေးတပ်မတော် TNLA တပ်ရင်း ၅၉၅ တပ် စခန်း သို့ လက်နက်ကြီးများဖြင့် တစ်ဖက်သတ်ပစ်ခဲ့ရာမှ စတင်တိုက်ပွဲ ဖြစ်ခဲ့ ကြောင်း သိရသည်။
အကြမ်းဖက်စစ်ကောင်စီတပ်မှ အင်အား ၆၀ ခန့်ဖြင့် စစ်ကြောင်းထိုးဝင် ရောက် ခဲ့ ခြင်းဖြစ်ပြီး ညနေ ၃ နာရီ မိနစ် ၅၀ မှ စတင်ကာ အပြန်အလှန် ပစ်ခတ် တိုက် ပွဲ ပြင်းထန်ခဲ့ကြောင်း ညနေ ၅ နာရီ မိနစ် ၄၀ တွင် တိုက်ပွဲ ရပ် နားသွားပြီး စစ် ရေး တ င်းမာနေဆဲဖြစ်ကြောင်း သိရသည်။
ထို့ပြင် မန္တလေး၊ မတ္တရာမြို့နယ်တွင် အကြမ်းဖက် စစ်တပ် အကြမ်းဖက် စစ်တပ် ဂိတ်စခန်းကို ဒရုန်းဖြင့် ဗုံးသီးချ တိုက်ခိုက်မှု စစ်သား ၂ ဦးသေဆုံး ခဲ့ကြောင်း မတ္တရာမြို့နယ် ပကဖ အဖွဲ့ထံမှ သိရသည်။
ဇန်နဝါရီလ ၂၈ ရက်နေ့ မွန်းလွဲ ၁၁ နာရီခန့်တွင်မတ္တရာမြို့နယ်၊ ကျောက် တံတား ကျေးရွာ မန္တလေးတူးမြောင်း တံတားနှင့် မြောင်းဘောင်ပေါ်ရှိ စစ်တပ် ဂိတ်စခန်းကို ပြည်သူ့ကာကွယ်ရေးတပ်ဖွဲ့-မတ္တရာမြို့နယ် (ပ.က.ဖ-မတ္တရာ) က ဒရုန်းဖြင့် ဗုံးသီးချ တိုက်ခိုက်ခဲ့ပြီး စစ်သား ၂ ဦး သေဆုံးကာ ၂ ဦး အပြင်း အထန် ဒဏ်ရာရရှိခဲ့ကြောင်း သိရသည်။
