Khit Thit သတင်းဌာန၏ ဖေဖော်ဝါရီ ၂၀ ရက် မနက်ပိုင်း ရုပ်သံသတင်းအစီအစဉ်
By ရန်ကုန်ခေတ်သစ်
ဒီကနေ့ဖေဖော်ဝါရီ ၂၀ရက် မနက်ပိုင်းတင်ဆက်ပေးမယ့်သတင်းတွေကတော့
-မွန်ပြည်နယ်၊ ရေးမြိုနယ်၊ တံတားစစ်ဆေးရေးဂိတ်စခန်းကို ရေးဘီလူးတပ်ဖွဲက ဝင်ရောက်စီးနင်းတိုက်ခိုက်ရာ စစ်ကောင်စီတပ်သား ၁၅ ဦးထက် မနည်းသေသွားတယ်လို့ ရေးဘီလူးတပ်ဖွဲခေါင်းဆောင်က ရန်ကုန်ခေတ်သစ် သတင်းဌာနကို ပြောပါတယ်။
– ပဲခူးတိုင်း၊ ရေတာရှည်မြို့နယ်မှာ ကျေးရွာတွေကို ဓားပြတိုက် ပြန်လာတဲ့ စစ်ကြောင်းကို တိုက်ခိုက်ရာ စစ်ကောင်စီတပ်ဖွဲ့ဝင် ၃၀ ကျော် သေသွားပြီး လက်နက် ၇ လက်၊ ခဲယမ်းတွေနဲ့ ခိုးရာပါရွှေနဲ့ ဖုန်းတွေ သိမ်း ဆည်းရမိတယ်လို့ တောင်ငူခရိုင် PDF တပ်ဖွဲ့က သတင်းထုတ်ပြန်ပါတယ်။
– ရှမ်းပြည်နယ်တောင်ပိုင်း ကရင်နီပြည်နယ်နဲ့ နယ်စပ်မှာ ရိက္ခာပို့ဖို့ ကြိုးစားနေတဲ့ စစ်ကောင်စီစစ်ကြောင်းကို ကရင်နီတပ်မတော် အပါအဝင် ပူးပေါင်းတပ်ဖွဲ့တွေက တိုက်ခိုက်ရာ စစ်သား ၁၄ ဦး သေသွားပြီး စစ်သား ၅ ဦးကို အရှင်ဖမ်းမိခဲ့ပါတယ်။
– ရန်ကုန်တိုင်း၊ ဒဂုံမြို့သစ်ဆိပ်ကမ်းမြို့နယ် အမှတ် ၉၄ ရပ်ကွက်ရုံးကို မနေ့က သေနတ်၊ လက်ပစ်ဗုံးတွေနဲ ဝင်ရောက် ပစ်ခတ်ရာ အမှတ် ၉၄ ရပ်ကွက် ရာအိမ်မှူး ဝင်းမြင့်နဲ့ ထွန်းထွန်းဝင်းတို့ သေဆုံးသွားတဲ့ သတင်းအပါအဝင် နောက်ဆုံးရသတင်းတွေကို တင်ဆက်ပေးပါမယ်။
