ခင်ဦးတွင် မပေါက်ကွဲသော လက်နက်ကြီးကျည်ကို ကောက်ယူရာမှ ပေါက်ကွဲမှုဖြစ်ပြီး ကလေးငယ် ၁ ဦး သေဆုံး
ရန်ကုန်၊ မတ် ၆
စစ်ကိုင်းတိုင်း၊ ခင်ဦးမြို့နယ်တွင် မပေါက်ကွဲသေးသော 79 လက်နက်ကြီးကျည်ကို ကောက်ယူရာမှ ပေါက်ကွဲမှုဖြစ်ပြီး ကလေးငယ် ၁ ဦး သေဆုံးကြောင်း ဒေသပြည်သူများက ရန်ကုန်ခေတ်သစ်သတင်းဌာနထံသို့ ပြောဆိုသည်။
မတ်လ ၅ ရက်နေ့ မွန်းလွဲ ၂ နာရီ အချိန် ခင်ဦးမြို့နယ်၊ အလယ်လျှိုကျေးရွာတွင် အသက် ၁၂ နှစ်အရွယ် မောင်ချစ်ရင်ထူးက နွားကျောင်းနေရာမှ တောတွင်းတနေရာတွင် မပေါက်ကွဲသေးသော 79 ကျည်ဖူးကို ကောက်ယူခဲ့ကြောင်း၊ ကျေးရွာသို့ ပြန်ရောက်သောအခါ ၄င်းကျည်ဖူးကို အုတ်ကန်ပေါ်တင်ထားပြီး လွတ်ကျရာမှ ပေါက်ကွဲမှုဖြစ်ပြီး မောင်ချစ်ရင်ထူး ပွဲချင်းပြီး သေဆုံးကြောင်း သိရှိရသည်။
