ဗန်းမောက်မြို့မ ရဲစခန်းကို လက်နက်ကြီးများဖြင့် ယခုည ပစ်ခတ်တိုက်ခိုက်
ရန်ကုန်၊ မတ် ၆
စစ်ကိုင်းတိုင်း၊ ဗန်းမောက်မြို့ရဲစခန်းကို ယနေ့ည၈နာရီ အချိန်တွင် ပြည်သူ့ကာကွယ်ရေးတပ်ဖွဲ့ဝင်များက လက်နက်ကြီး၃လုံးဖြင့် ပစ်ခတ်တိုက်ခိုက်ခဲ့ရာ ထိခိုက်သေဆုံးမှု ရှိနိုင်ကြောင်း သိရှိရသည်။
ဗန်းမောက်ရဲစခန်းအတွင်းသို့ လက်နက်ကြီး၃လုံး တိတိကျကျ ကျရောက် ပေါက်ကွဲခဲ့ပြီးနောက် ရဲစခန်းအတွင်းမှ စစ်ကောင်စီတပ်သားများက သေနတ်အချက်များစွာ ပြန်လည်ပစ်ခတ်ခဲ့ကြောင်း သိရသည်။
“သေနတ်သံတွေ ကြားရတာ ဆက်တိုက်ပဲ။ အခုတော့ ငြိမ်သွားပြီ။ ကျနော်တို့လည်း အပြင်ထွက်မကြည့်ရဲဘူး” ဟု ဗန်းမောက်မြို့ခံတစ်ဦးက ပြောဆိုသည်။
