Khit Thit သတင်းဌာန၏ မတ် ၄ ရက် ညနေပိုင်း ရုပ်သံသတင်းအစီအစဉ်
By ရန်ကုန်ခေတ်သစ်
ဒီကနေ့ မတ် ၄ ရက် ညနေပိုင်းတင်ဆက်ပေးမယ့်သတင်းတွေကတော့
– မကွေးတိုင်း၊ မင်းဘူးခရိုင်၊ မင်းဘူးမြို့နယ်အတွင်းမှာရှိတဲ့ လမ်းပိုင်းတစ်နေရာမှာ အကြမ်းဖက် စစ်တပ်ထုတ် ကုန်ပစ္စည်းတွေ ၊ Mytel ဖုန်းကတ်တွေနဲ့ စစ်ကောင်စီလက်အောက်ခံ စိုက်ပျိုးရေးချေးငွေ လုပ်ငန်းနှစ်ခုကိုပါ ဖမ်းဆီးစစ်ဆေးခဲ့တယ်လို့ ပြည်သူ့ကာကွယ်ရေး တပ်မတော် အနောက်ပိုင်းတိုင်း ဆီကနေ သိရပါတယ်။
– စစ်ကိုင်းတိုင်း၊ ယင်းမာပင်မြို့နယ်၊ မြောက်နုံးကျေးရွာက စိတ်ဝေဒနာရှင် ဦးဖိုးနီ နဲ့ ကျေးရွာသား ၁ ဦး ကို အကြမ်းဖက် စစ်ကောင်စီတပ်က ပစ်ခတ်မီးရှို့သတ်ဖြတ်ခဲ့တယ်လို့ ဒေသခံ ပြည်သူတွေက ရန်ကုန် ခေတ်သစ်ကို ပြောပါတယ်။ – စစ်ကိုင်းတိုင်း၊ ကန့်ဘလူမြို့နယ်မှာရှိတဲ့ ကျေးရွာ ၂ ရွာကို အကြမ်းဖက် စစ်ကောင်စီတပ်က ဒီကနေ့ မတ်လ ၄ ရက်နေ့ မနက်ပိုင်းမှာ မီးရှို့ဖျက်ဆီးနေတဲ့ သတင်းအပါအဝင် နောက်ဆုံးရသတင်းတွေကို တင်ဆက်ပေးပါမယ်။
