Khit Thit သတင်းဌာန၏ ဧပြီ ၂၈ ရက် မနက်ပိုင်း ရုပ်သံသတင်းအစီအစဉ်
By ရန်ကုန်ခေတ်သစ်
ဒီကနေ့ ဧပြီ ၂၈ ရက် မနက်ပိုင်းတင်ဆက်ပေးမယ့်သတင်းကတော့
-ချင်းပြည်နယ်၊ ထန်တလန်မြို့နယ်၊ ထလန်လိုရွာကို အကြမ်းဖက်စစ်တပ်က တိုက်လေယာဥ်နဲ့ ဗုံးကျဲ တိုက်ခိုက်မှု ပြည်သူ ၂ ဦး သေသွားတယ်လို့The Chin Journal မှ တာဝန်ရှိသူတစ်ဦးက ရန်ကုန်ခေတ်သစ် မီဒီယာကို ပြောပါတယ်။
– စစ်ကိုင်းတိုင်း၊ ခင်ဦးမြို့နယ်၊ မြို့သစ်ရွာကို အကြမ်းဖက်စစ်တပ်က ၂ ရက်ဆက် မီးရှို့ဖျက်ဆီးမှုကြောင့် နေအိမ် ၄၀၀ ကျော် ပြာကျခဲ့တယ်လို့ ခင်ဦးမြို့နယ် သတင်းမှန် ပြန်ကြားရေးအဖွဲ့ တာဝန်ရှိသူတစ်ဦးက ရန်ကုန်ခေတ်သစ်မီဒီယာကို ပြောပါတယ်။
– စစ်ကိုင်းတိုင်း၊ ဝက်လက်မြို့နယ်အနောက်ခြမ်းက ကျီးကန်တောင်ရွာကို အကြမ်းဖက်စစ်တပ်က ရဟတ် ယာဉ်နဲ့ ဗုံးကျဲတိုက်ခိုက်ခဲ့ရာ အမျိုးသား ၂ ဦး ဒဏ်ရာရပြီး သက်ကြီးအမျိုးသားတစ်ဦး နှလုံးရပ် သေဆုံးခဲ့တဲ့ သတင်းအပါအဝင် နောက်ဆုံးရသတင်းတွေကို တင်ဆက်ပေးပါမယ်။
