ဒုစစ်ခေါင်းဆောင် စိုးဝင်း၏ တပည့်၊ ရန်ကုန်လေဆိပ် လုံခြုံရေးအရာရှိချုပ် လေတပ် ဗိုလ်မှူးဟောင်း ရဲခိုင် ပစ်ခတ်ခံရပြီး သေဆုံး

ဒုစစ်ခေါင်းဆောင် စိုးဝင်း၏ တပည့်၊ ရန်ကုန်လေဆိပ် လုံခြုံရေးအရာရှိချုပ် လေတပ် ဗိုလ်မှူးဟောင်း ရဲခိုင် ပစ်ခတ်ခံရပြီး သေဆုံး

ရန်ကုန်၊ ဇွန် ၁၉

အကြမ်းဖက် ဒုစစ်ခေါင်းဆောင်စိုးဝင်း၏ တပည့် ဖြစ်သူ၊ ရန်ကုန် အပြည်ပြည် ဆိုင်ရာ လေဆိပ်လုံခြုံရေးအရာရှိချုပ် လေတပ် ဗိုလ်မှူးဟောင်း ရဲခိုင်ကို ယနေ့ည ၇ နာရီတွင် Urban Owls အဖွဲ့က ပစ်ခတ်ရာမှ သေဆုံးသွားကြောင်း အဆိုပါ အဖွဲ့မှ တာဝန်ရှိသူက ပြောဆိုသည်။

ဗိုလ်မှူးဟောင်း ရဲခိုင်သည် စစ်တက္ကသိုလ်အပတ်စဉ် ၄၂ ကျောင်းဆင်း လေ တပ် အရာရှိ ဦးဖြစ်ကြောင်း၊ စစ်တပ်၏ စီးပွားရေး ဒေါက်တိုင်ဖြစ်သော ရန်ကုန် လေဆိပ်ကို တာဝန်ယူ လုပ်ကိုင်နေသော အေးရှားဝေါလ် ပိုင်ရှင် ထွန်းမြင့်နိုင်၏ လူယုံတစ်ဦးလည်းဖြစ်ကြောင်း၊ အကြမ်းဖက်ဒုစစ်ခေါင်းဆောင် စိုးဝင်း၏ လူယုံ တပည့်လည်းဖြစ်ကြောင်း သိရှိရသည်။

ဗိုလ်မှူးဟောင်း ရဲခိုင်သည် စစ်အာဏာသိမ်းပြီးနောက် ရန်ကုန်လေဆိပ်တွင် စစ်တပ်နှင့် ပူးပေါင်း၍ တော်လှန်ရေးနှင့် CDM လှုပ်ရှားမှုတွင် ပါဝင်သူများကို ပိတ်ဆို့ စစ်ဆေး ဖမ်းဆီးခြင်း၊ ပြည်ပသို့ ပညာသင်ရန် (သို့မဟုတ်) အလုပ် လုပ်ရန် ထွက်ခွာမည့်သူများကို ငွေညှစ် အနိုင်ကျင့်ခြင်း၊ ပြည်သူ့ဘက်မှ ရပ် တည်သော အနုပညာရှင်များကို ဖမ်းဆီးခြင်း၊ ထင်ရှားကျော်ကြားသူများကို ပြည်ပထွက်ခွင့်ပိတ်ပင်ခြင်း၊ သာမန် ခရီးသွားပြည်သူများကို ငွေညှစ် ဓားပြ တိုက် ခြိမ်းခြောက်ခြင်း၊ စစ်ဆေးစရာရှိသည်ဟုဆိုကာ ခေါ်ဆောင်သွားပြီး စစ်ကြောရေးပို့ဆောင်ခြင်း အစရှိသည်တို့ကို လုပ်ဆောင်ရာတွင် ကိုယ်တိုင် ကိုယ်ကျ ပါဝင်သူဖြစ်ကြောင်း သိရှိရသည်။

Urban Owls စစ်ဆင်ရေးတာဝန်ခံက “ရန်ကုန်လေဆိပ်ဟာဆိုရင် တော်လှန် ရေးသမားတွေ၊ CDM တွေကို မတရားဖမ်းဆီးနှိပ်စက်တာတွေအပြင် သာမန် ခရီးသွား ပြည်သူတွေကိုပါ နိုင်ထက်စီးနင်းလုပ်နေတာဖြစ်တယ်။ အခုလို လေဆိပ် မှာ အနိုင်ကျင့်၊ လာဘ်စား၊ ဖမ်းဆီးညှင်းပန်းနေတဲ့ လုံခြုံရေး တာဝန်ခံတွေ၊ စစ်ဘက်တာဝန်ခံတွေ၊ လေကြောင်းလိုင်းတာဝန်ခံတွေရဲ့ အချက်အလက်တွေ ကျွန်တော်တို့လက်ထဲ ရထားပြီ။ ဒီလိုစစ်ကောင်စီ လက်ပါးစေတွေကို ကျွန်တော်တို့ အောင်အောင်မြင်မြင်ရှင်းလင်းနိုင်ခဲ့တယ်၊ နောက်လည်းထပ်ပြီး ပစ်မှတ်ထားတိုက်ခိုက်သွားဦးမယ်။ အခုဆိုရင် ရန်ကုန် အခြေစိုက် PDF တပ်ဖွဲ့လည်းရှိနေပြီ။ ရန်ကုန်အပါအဝင် တတိုင်းပြည်လုံးမှာ အရှိန် မြှင့်လာပြီဖြစ်တဲ့ တန်ပြန်တိုက်စစ်မှာ ပြည်သူတွေအနေနဲ့လည်း တက် တက် ကြွကြွရှိဖို့ တိုက်တွန်းပါတယ်။”ဟု ပြောဆိုသည်။

Urban Owls အပါအဝင် ရန်ကုန်မြို့ပြပြောက်ကျားတပ်ဖွဲ့များသည် လေတပ် အရာရှိများ၊ လေဆိပ်တွင် ပြည်သူများကို ခြိမ်းခြောက်အနိုင်ကျင့်သူများ၊ အကြမ်း ဖက်စစ်တပ်ကို ကူညီပေးနေသော လေကြောင်းလိုင်းမှ တာဝန် ရှိသူ များအနေဖြင့် စနစ်တကျ စောင့်ကြည့်လျက်ရှိကြောင်း၊ တော်လှန်ရေး၏ အရေး ပါဆုံးကာလသို့ မကြာမီ ရောက်ရှိလာတော့မည်ဖြစ်ကြောင်း၊ ပြည်သူ များ အနေဖြင့် စစ်တပ်၏ ဒေါက်တိုင်များနှင့်ပတ်သက်သော သတင်း အချက် အလက် များကို ပေးပို့နိုင်ကြောင်း သတိပေးထုတ်ပြန်ထားသည်။