Khit Thit သတင်းဌာန၏ စက်တင်ဘာ ၂၁ ရက်မနက်ပိုင်း ရုပ်သံသတင်း အစီအစဉ်
By ရန်ကုန်ခေတ်သစ်
ဒီကနေ့ စက်တင်ဘာ ၂၁ ရက် မနက်ပိုင်းတင် ဆက် ပေးမယ့်သတင်း တွေကတော့
-စစ်အာဏာရှင်တော်လှန်ရေးမဟာမိတ် မိတ်ဖက်အစုအဖွဲ့တွေမှာ “မိတ်ဆွေများကို ရန်သူ မလုပ်ရေးမူ” နဲ့ ရန်သူအသစ် မမွေးမိကြရန် သတိပေးလိုက်ပြီး စစ်ကိုင်းတော်လှန်ရေးအင်အားစုတွေ၊ KNU အပါ အဝင် တိုင်းရင်းသားအင်အားစုတွေနဲ့အတူ တန်းတူညီမျှရေး၊ ကိုယ်ပိုင်ပြဋ္ဌာန်းခွင့်နဲ့ လူမျိုးစုလွတ် မြောက်ရေးမူတွေနဲ့ နိုင်ငံတည်ဆောက်ရေး ညှိနှိုင်းဆွေးနွေးရမယ်လို့ အမျိုးသားညီညွတ်ရေးအစိုးရ NUG ယာယီသမ္မတ ဒူဝါလရှီးလကပြောပါတယ်။
– KNU ဝင်းရေးမြို့နယ်ကကျေးရွာတွေကို အကြမ်းဖက်စစ်တပ်က လက်နက်ကြီးနဲ့ပစ်ခတ်မှုကြောင့် ပြည်သူ ၁ ဦးသေပြီး နေအိမ်တွေ ပျက်စီးကာ ပြည်သူပိုင်ပစ္စည်းတွေကို မွှေနှောက်ဖျက်ဆီးသွားတယ်လို့ KNU −ဗဟို က ထုတ်ပြန်ထားပါတယ်။
-ကချင်ပြည်နယ်၊ မြစ်ကြီးနားမြို့နယ်၊ မြစ်ကြီးနား-ပူတာအိုလမ်းမပေါ် မှာရှိတဲ့ အကြမ်းဖက်စစ်ကောင်စီတပ် စခန်းတစ်ခုကို တိုက်ခိုက်သိမ်းပိုက်ခဲ့ရာ အကြမ်းဖက်စစ်သား ၁၁ ဦးသေဆုံးပြီး ၂ ဦးကို အရှင်ဖမ်းမိကာ လက်နက်ခဲယမ်းအများအပြား သိမ်းဆည်းရရှိခဲ့တဲ့ သတင်းအပါအဝင် နောက်ဆုံးရသတင်းတွေကို တင်ဆက်ပေးပါမယ်။
