Khit Thit သတင်းဌာန၏ စက်တင်ဘာ ၂၃ ရက် နေ့လယ်ပိုင်း ရုပ်သံသတင်းအစီအစဉ်
By ရန်ကုန်ခေတ်သစ်
ဒီကနေ့ စက်တင်ဘာ ၂၃ ရက် နေ့လယ်ပိုင်းတင်ဆက်ပေးမယ့်သတင်းတွေကတော့
– စစ်ကိုင်းတိုင်း၊ မင်းကင်းမြို့နယ်မှာ အကြမ်းဖက် စစ်တပ်ရဲ့ ရေယာဉ် စစ်သင်္ဘော နစ်မြုပ်ပြီးတဲ့ နောက် ချင်းတွင်းမြစ်အတွင်း စစ်ယူနီ ဖောင်းဝတ် အကြမ်းဖက် စစ်ကောင်စီတပ်သား အလောင်းတွေ နဲ့ ကြံ့ဖွတ်ပါတီ အင်္ကျီဝတ် အလောင်းတွေ မျောပါလာတယ်လို့ အညာပစ် တိုင်းထောင်လေးများ အဖွဲ့ရဲ့ တာဝန်ရှိသူ တစ်ဦးက ရန်ကုန်ခေတ်သစ် ကိုပြောပါတယ်။
– ရန်ကုန်တိုင်း၊ တောင်ဥက္ကလာပ-မြို့နယ်၊ ဝေဇယန္တာလမ်းက အကြမ်းဖက် စစ်တပ်အတွက် လက်နက်ပွဲစား လုပ်နေတဲ့ ခရိုနီ အောင်မိုးမြင့်ပိုင် ကုမ္ပဏီရုံးခန်း ကို USO အဖွဲ့ကနေ ၄၀ မမ ဗုံးသီးနဲ့ ၂ ချက် ပစ်ခတ်ခဲ့တယ်လို့ Urban Special Operation (U.S.O) က ရန်ကုန်ခေတ်သစ်ကို ပြောပါတယ်။
– ရန်ကုန်တိုင်း၊ ဒလမြို့နယ်၊ မှော်စက်ရပ်ကွက် ၊ ဝိဓူရလမ်းမှာရှိတဲ့ နေအိမ်တွေကို ကျူးကျော်လို့ ပြောပြီး ၊ အကြမ်းဖက် စစ်ကောင်စီ လက်အောက်ခံ ရပ်ကွက်အုပ်ချုပ်ရေးမှူးတွေ ၊ စီးပွားရေး သမားတွေ ၊ လူမိုက်တွေ ပူးပေါင်းပြီး ၊ အုတ်တံတိုင်းလာခတ်သွားတဲ့အပြင် ၊ ရပ်ကွက်နေ ပြည်သူ တွေကိုပါ ခြိမ်းခြောက် နှင်ထုတ်ဖို့ လုပ်နေတဲ့ သတင်းအပါအဝင် နောက်ဆုံးရသတင်းတွေကို တင်ဆက်ပေးပါမယ်။
