ဝန်းသိုမြို့နယ်၊ ဂျိုးထောင်ရွာရှိ ဘုန်းကြီးကျောင်းကို စစ်တပ်က ဟောင်ဝှစ်ဇာ လက်နက်ကြီးဖြင့် ပစ်ခတ်မှုကြောင့် စာသင်နေသည့် ကလေးငယ် ၁၈ ဦးဒဏ်ရာရ
ရန်ကုန်၊ စက်တင်ဘာ ၂၉
စစ်ကိုင်းတိုင်း၊ ဝန်းသိုမြို့နယ်၊ ဂျိုးထောင်ရွာ၊ ဘူတာစုရပ်ရှိ ခန္တီဝံသာရာမ ဘုန်းကြီး ကျောင်းကို အကြမ်း ဖက်စစ်တပ်က လက်နက်ကြီး ၃ လုံးပစ်ခတ် တိုက်ခိုက်ခဲ့ရာ ဘုန်းကြီးကျောင်း၌ စာသင် ကြားနေသူ ကလေး ၁၈ ဦးဒဏ်ရာရ ရှိခဲ့ကြောင်း NUG ကာကွယ်ရေးဝန်ကြီးဌာနက ထုတ်ပြန်သည်။
ယမန်နေ့ စက်တင်ဘာလ ၂၇ ရက် မွန်းလွဲ ၁၂ နာရီခွဲခန့်က ဝန်းသိုမြို့ပေါ်ရှိ အကြမ်းဖက် စစ်ကောင်စီ ၏ ခမရ ၁၀၂ တပ်မှ ဟောင်ဝစ်ဇာ (Howitzer) လက်နက်ကြီးဖြင့်ပစ်ခတ်ခဲ့ရာ ဂျိုးထောင် ရွာ ဘူတာစုရပ်ရှိ ခန္တီဝံသာရာမ ကျောင်းတိုက်အတွင်း ၃ လုံးကျရောက်ပေါက်ကွဲခဲ့ပြီး ဘုန်းကြီးကျောင်း၌ စာသင်ကြားနေ သူ ကလေးငယ် ၁၈ ဦးဒဏ်ရာရရှိခဲ့ကြောင်း၊ ယင်းဒဏ်ရာ ရရှိသူ ကလေးများထဲတွင် ၆ ဦးမှာ အပြင်း အထန်ဒဏ်ရာရရှိခဲ့ကြောင်း သိရသည်။
အကြမ်းဖက်စစ်ကောင်စီတပ်သည် ကလေးငယ်များ ပညာသင်ယူနေသည့် ဘုန်းကြီးကျောင်းကိုပင် ပစ်ခတ်ကာ စစ်ရာဇဝတ်မှုကျူးလွန်နေပြီး အရပ်ဖက် စစ်ဘက် ခွဲခြားမှုမရှိပဲ အကြောင်းမဲ့ပစ်ခတ် သတ်ဖြတ်ကာ စစ်ရာဇဝတ်မှု ကျူးလွန် နေခြင်းဖြစ်ကြောင်း အမျိုးသားညီညွတ်ရေး အစိုးရ ကာကွယ် ရေး ဝန်ကြီးဌာနက ထုတ်ပြန်ထားသည်။
