ငါန်းဇွန်မြို့နယ်တွင် ပျူစောထီး ခေါင်းဆောင် ၁ ဦး ပစ်ခတ်ခံရပြီး သေဆုံး
ရန်ကုန်၊ အောက်တိုဘာ ၁၇
မန္တလေးတိုင်း၊ ငါန်းဇွန်မြို့နယ်တွင် ပျူစောထီး ခေါင်းဆောင် ၁ ဦးကို ပစ်ခတ် တိုက်ခိုက်ရာ သေဆုံးခဲ့ကြောင်း Sintkaing Revolution Force -SRF မှ တာဝန်ရှိသူ တစ်ဦးက ရန်ကုန်ခေတ်သစ် မီဒီယာသို့ ပြောဆိုသည်။
အောက်တိုဘာလ ၈ ရက်နေ့ ည ၈ နာရီခန့်တွင် ငါန်းဇွန်မြို့နယ်၊ တောင်ကုန်းကျေးရွာ၌ နေထိုင်သော ပျူစောထီး ခေါင်းဆောင် သိန်းဌေးကို Sintkaing Revolution Force-SRF နှင့် မဟာမိတ်အဖွဲ့များက ပစ်ခတ် တိုက်ခိုက်ရာ ပွဲချင်းပြီး သေဆုံးခဲ့ကြောင်း သိရသည်။
” သေနတ် အရှည်တွေနဲ့ ဝင်ရောက် ပစ်ခတ် ရှင်းလင်းခဲ့တာပါ ပျူစောထီး ခေါင်းဆောင် သိန်းဌေးကို နေရာမှာပဲ ငရဲကို ပို့ဆောင်ပေးခဲ့တယ်” ဟု Sintkaing Revolution Force -SRF မှ တာဝန်ရှိသူ တစ်ဦးကပြောဆိုသည်။
ပျူစောထီး ခေါင်းဆောင် သိန်းဌေးသည် လက်နက်ကိုင်ဆောင်ထားသော်လည်း တော်လှန်ရေးတပ်ဖွဲ့များက ဝင်ရောက်ပစ်ခတ်စဥ်တွင် လုံခြုံရေး အခြေအနေကြောင့် ရှာဖွေခြင်း မပြုလုပ်ဘဲ အထိအခိုက်မရှိ ပြန်လည်ဆုတ်ခွာနိုင်ခဲ့ကြောင်း သိရသည်။
အဆိုပါ တိုက်ခိုက်မှုကို Sintkaing Revolution Force -SRF ၊ SPECIAL TASK FORCE -NGAZUN ၊ JUSTICE RANGER FORCE ၊ နဘက်တိုက်နယ် ပကဖ နှင့် စဥ့်ကိုင် ပကဖတို့ပူးပေါင်း ဆောင်ရွက်ခဲ့ကြောင်း သိရှိရသည်။
![Pinterest](https://pinterest.com/pin/create/button/?url=https://yktnews.com/2023/10/126802/&media=https://yktnews.com/wp-content/uploads/2023/10/391749531_682885160605760_2604262828571405180_n.jpg&description=" သေနတ် အရှည်တွေနဲ့ ဝင်ရောက် ပစ်ခတ် ရှင်းလင်းခဲ့တာပါ ပျူစောထီး ခေါင်းဆောင် သိန်းဌေးကို နေရာမှာပဲ ငရဲကို ပို့ဆောင်ပေးခဲ့တယ်"){kind=link}