Khit Thit သတင်းဌာန၏ အောက်တိုဘာ ၃၁ ရက် ညနေပိုင်း ရုပ်သံသတင်းအစီအစဉ်
By ရန်ကုန်ခေတ်သစ်
ဒီကနေ့ အောက်တိုဘာ ၃၁ ရက် ညနေပိုင်းတင်ဆက်ပေးမယ့်သတင်းတွေကတော့
– ရှမ်းပြည်နယ်မြောက်ပိုင်း ၊ လားရှိုးမြို့နယ် နဲ့ သိန်းန္နီမြို့ကြားက အကြမ်းဖက်စစ်တပ်ရဲ့ မိုင်းပါးစစ်စခန်းကို ညီနောက် မဟာမိတ်တွေ သွားရောက်တိုက်ခိုက်တဲ့အချိန် ခုခံတိုက်ခိုက်ခြင်းမရှိဘဲ စခန်းတစ်ခုလုံးကို ထားပြီး ထွက်ပြေးသွားတဲ့အတွက် ဒီကနေ့ မနက်ပိုင်းမှာ မိုင်းပါး စစ်စခန်းကို သိမ်းပိုက်ရရှိခဲ့တယ်လို့ TNLA သတင်းနှင့်ပြန်ကြားရေးဌာနဆီကနေ သိရပါတယ်။
– ရှမ်းပြည်နယ်မြောက်ပိုင်းမှာ ၁၀၂၇ စစ်ဆင်ရေး ၄ ရက်မြောက်နေ့ဖြစ်တဲ့ မနေ့က အောက်တိုဘာလ ၃၀ ရက်နေ့အထိ အကြမ်းဖက် စစ်ကောင်စီရဲ့ တပ်စခန်း ၈၀ လောက်ကို သိမ်းဆည်း နိုင်ပြီဖြစ်တယ်လို့ မြောက်ပိုင်းမဟာမိတ် ၃ ဖွဲ့ကနေ တရားဝင် သတင်းထုတ်ပြန်လိုက်ပါတယ်။
– စစ်ကိုင်းတိုင်း၊ ဒီပဲယင်းမြို့နယ်အတွင်း စစ်ကြောင်းထိုးခဲ့တဲ့ အကြမ်းဖက် စစ်ကောင်စီတပ်က အရပ်သား ပြည်သူ ၈ ဦးကို ရက်ရက်စက်စက် ခေါင်းဖြတ်၊ ဗိုက်ခွဲ၊ သတ်ဖြတ်ခဲ့တဲ့အပြင် ၊ ပြည်သူ ၂၁ ဦးကိုလည်း ဖမ်းဆီးခေါ်ဆောင်သွားတဲ့ သတင်းအပါအဝင် နောက်ဆုံးရသတင်းတွေကို တင်ဆက်ပေးပါမယ်။
