Khit Thit သတင်းဌာန၏ နိုဝင်ဘာ ၂၀ ရက် မနက်ပိုင်း ရုပ်သံသတင်းအစီအစဉ်
By ရန်ကုန်ခေတ်သစ်
ဒီကနေ့ နိုဝင်ဘာ ၂၀ ရက် မနက်ပိုင်းတင်ဆက်ပေးမယ့်သတင်းတွေကတော့
-ရှမ်းပြည်နယ်မြောက်ပိုင်းမှာ နိုင်ငံတကာက ပိတ်ပင်တားမြစ်ထားတဲ့ ဓာတုအဆိပ်ငွေ့ဗုံး အသုံးပြုကာ တိုက်ခိုက်ခဲ့တဲ့စစ်ကောင်စီကို နိုင်ငံတကာအသိုင်းအဝန်းက အရေးယူပေးဖို့အတွက် PSLF/TNLA က ထုတ်ပြန်တောင်းဆိုလိုက်တယ်လို့ သိရပါတယ်။
– ချင်းပြည်နယ်၊ ဖလမ်းမြို့နယ် သီးဘွာလ်စစ်ကောင်စီတပ်စခန်းက စစ်ကောင်စီအလံကို ဖြုတ်ချပြီး ချင်းအမျိုးသားကာကွယ်ရေးတပ်(CNDF) ရဲ့ အလံကို လွှင့်ထူလိုက်ကာ သီဘွာလ်စစ်စခန်းကို မြေထိုး စက်နဲ့ နယ်မြေရှင်းလင်းရေးတွေ ပြုလုပ်ခဲ့တယ်လို့ CNDF ပြန်ကြားရေးတာဝန်ခံက ပြောပါတယ်။
– ကရင်နီ(ကယား)ပြည်နယ်၊ လွိုင်ကော်မြို့၊ လွိုင်ကော်အကျဉ်းထောင်အတွင်းကို လေထီးနဲ့ ထောက်ကူ ချပေးတဲ့ခဲယမ်းသေတ္တာတွေကို ကြားဖြတ်သိမ်းယူနိုင်ခဲ့တဲ့ သတင်းအပါအဝင် နောက်ဆုံးရ သတင်းတွေကို တင်ဆက်ပေးပါမယ်။
