ဟုမ္မလင်းမြို့အနီးရှိ စစ်တပ်၏ အောင်ဇေယျ တပ်စခန်းကုန်းကို တိုက်ခိုက် သိမ်းပိုက်
ရန်ကုန်၊ ဒီဇင်ဘာ ၁၀
စစ်ကိုင်းတိုင်း၊ ဟုမ္မလင်းမြို့အနီးရှိ အကြမ်းဖက် စစ်တပ်၏ အောင်ဇေယျ တပ်စခန်းကုန်းကို တိုက်ခိုက် သိမ်းပိုက်နိုင်ခဲ့ကြောင်း NUG အစိုးရ၏ ကာကွယ်ရေး ဝန်ကြီးဌာနက ထုတ်ပြန်ထားသည်။
ဒီဇင်ဘာလ ၇ ရက်နေ့မှ စတင်၍ အမှတ် ၁ စစ်ဒေသကွပ်ကဲမှုဖြင့် ပြည်သူ့ကာကွယ်ရေးတပ်ဖွဲ့များ ထိုးစစ်ဆင်တိုက်ခိုက်နေသော ဟုမ္မလင်းမြို့အနီးရှိ အောင်ဇေယျ အကြမ်းဖက် စစ်တပ်စခန်းကုန်းကို တိုက်ခိုက်ခဲ့ကြောင်းသိရသည်။
အဆိုပါ တပ်စခန်းကို ယနေ့ ဒီဇင်ဘာလ ၁၀ ရက်နေ့ နံနက်ပိုင်းတွင် အောင်မြင်စွာ တိုက်ခိုက်သိမ်းပိုက်နိုင်ပြီ ဖြစ်ကြောင်း ပြည်သူ့ကာကွယ်ရေးတပ်မတော် PDF စစ်ရုံးချုပ်၊ ကာကွယ်ရေးဝန်ကြီးဌာနက ထုတ်ပြန်ထားသည်။
