ရွှေဘိုမြို့နယ်တွင် စစ်ကောင်စီ တပ်သား ၁ ဦး သေနတ် ၁ လက် ယူဆောင်လာပြီး အလင်းဝင်၊ ဆုငွေ ကျပ် သိန်း ၅၀ ချီးမြှင့်
ရန်ကုန်၊ ဇန်နဝါရီ ၂၃
စစ်ကိုင်းတိုင်း၊ ရွှေဘိုမြို့နယ်တွင် အကြမ်းဖက် စစ်ကောင်စီ တပ်သား ၁ ဦး သေနတ် ၁ လက် ယူဆောင်လာပြီး အလင်းဝင်လာသောကြောင့် ဆုငွေ ကျပ် သိန်း ၅၀ ချီးမြှင့်ခဲ့ကြောင်း ဗိုလ်ကျားရိုင်း ပြည်သူ့ကာကွယ်ရေးတပ်ဖွဲ့မှ တာဝန်ရှိသူ တစ်ဦးက ပြောဆိုသည်။
ဇန်နဝါရီလ ၂၃ ရက်နေ့တွင် ဗိုလ်ကျားရိုင်း ပြည်သူ့ကာကွယ်ရေးတပ်ဖွဲ့ထံ G3 သေနတ် ၁ လတ်၊ Magazine ၄ ခု၊ ကျည် 150 ဖြင့် အလင်းဝင်ရောက်လာသော စစ်ကောင်စီ တပ်သားကို ငွေကျပ် သိန်း ၅၀ ဆုချီးမြှင့်ပေးအပ်ခဲ့ကြောင်း သိရှိရသည်။
