Khit Thit သတင်းဌာန၏ ဇန်နဝါရီ ၃၀ ရက် မနက်ပိုင်း ရုပ်သံသတင်းအစီအစဉ်
By ရန်ကုန်ခေတ်သစ်
ဒီကနေ့ ဇန်နဝါရီ ၃၀ ရက်နေ့ မနက်ပိုင်း တင်ဆက်ပေးမယ့်သတင်းတွေကတော့
ကရင်ပြည်နယ်၊ မြ၀တီမြို့အနီး သင်္ဃန်းညီနောင်မှာ စစ်ကောင်စီရဟတ်ယာဉ်တစီးကို ပစ်ချလိုက်ရာ စီးနင်းလိုက်ပါလာတဲ့ တပ်မ ၄၄ တပ်မမှူး ဗိုလ်မှူးချုပ်အေးမင်းနောင်အပါအဝင် ၅ ဦး သေသွားတယ်လို့ ပြည်သူ့ကာကွယ်ရေးတပ်မတော် တောင်ပိုင်းတိုင်းစစ်ဒေသမှ တာဝန်ရှိသူတစ်ဦးက အတည်ပြု ပြောဆိုပါတယ်။
– ချင်းပြည်နယ်၊ ပလက်ဝမြို့နယ်၊ ဒိုင်ရ်နယ်ဒေသ၊ ဟုမ်းရွာကို အကြမ်းဖက်စစ်တပ်က လေကြောင်းနဲ့ ၃ ကြိမ် ဗုံးကျဲတိုက်ခိုက်တာကြောင့် ပြည်သူ ၇ ဦး သေဆုံးကာ လူနေအိမ်တွေ ပျက်စီးခဲ့ရတယ်လို့ ဒေသခံပြည်သူ တွေကပြောပါတယ်။
– အကြမ်းဖက်စစ်ကောင်စီနဲ့ ပူးပေါင်းဆောင်ရွက်နေတဲ့ ပြည်ထောင်စုမြန်မာနိုင်ငံကုန်သည်များနှင့် စက်မှုလက်မှုအသင်း UMFCCI ဥက္ကဋ္ဌ အပါအဝင် ဗဟိုအလုပ်အမှုဆောင် ၆၄ ဦးကို အမျိုးသား ညီညွတ်ရေးအစိုးရ-NUG က အမည်ပျက်စာရင်းသွင်းလိုက်တဲ့ သတင်းအပါအဝင် နောက်ဆုံးရသတင်းတွေကို တင်ဆက်ပေးပါမယ်။
