ကလေးခရိုင် အမှတ် ၆ တပ်ရင်းထံ စစ်ကောင်စီ တပ်သား ၁ ဦး သေနတ် ၁ လက် ယူဆောင်လာပြီး အလင်းဝင်
ရန်ကုန်၊ ဖေဖော်ဝါရီ ၂၀
စစ်ကိုင်းတိုင်း၊ ကလေးခရိုင် အမှတ် ၆ တပ်ရင်းထံ စစ်ကောင်စီ တပ်သား ၁ ဦး သေနတ် ၁ လက် ယူဆောင်လာပြီး အလင်းဝင်လာကြောင်း NUG အစိုးရ၏ စစ်ကိုင်းတိုင်း ပြည်ထဲရေးနှင့် လူဝင်မှုကြီးကြပ်ရေးဝန်ကြီးဌာနက ထုတ်ပြန်ထားသည်။
ဖေဖော်ဝါရီလ ၂၀ ရက်နေ့တွင် ကလေးခရိုင် အမှတ် ၆ တပ်ရင်းက လက်နက်ပါ ယူဆောင်လာပြီး အလင်းဝင်လာသည့် စစ်ကောင်စီတပ်သားကို ဂုဏ်ပြု ဆုငွေ ချီးမြှင့်ခြင်းနှင့် လက်နက်အပ်နှင်းခြင်း အခမ်းအနား ပြုလုပ်ပေးခဲ့ကြောင်း ခဲ့ကြောင်း သိရသည်။
လက်ရှိချိန်တွင် လက်နက်နှင့်တကွ ခိုလှုံလာသော စစ်ကောင်စီ တပ်ဖွဲ့ဝင်များကို ကာကွယ်ရေးတပ်ဖွဲ့များက ဂုဏ်ပြုဆုငွေချီးမြှင့်ခြင်းအပြင် လွတ်မြောက်နယ်မြေကို ပို့ဆောင် ပေးလျက်ရှိကြောင်း သိရှိရသည်။
