လောင်းလုံးမြို့နယ်ရှိ စစ်ဘေးရှောင်ပြည်သူများနှင့် တော်လှန်ရေး ရဲဘော်များကို LLPDF ဆေးဘက်ဆိုင်ရာ အဖွဲ့က ကျန်းမာရေးစောင့်ရှောက်မှုများ ပြုလုပ်
ရန်ကုန်၊ မတ် ၇
လောင်းလုံးမြို့နယ်ရှိ စစ်ဘေးရှောင်ပြည်သူများနှင့် တော်လှန်ရေး ရဲဘော်များကို လောင်းလုံးမြို့နယ်ပြည်သူ့ကာကွယ်ရေးတပ်ဖွဲ့- LLPDF ဆေးဘက်ဆိုင်ရာ အဖွဲ့က ကျန်းမာရေး စောင့်ရှောက်မှုများ ပြုလုပ်ပေးခဲ့ကြောင်း သိရသည်။
လောင်းလုံးမြို့နယ်အတွင်း ၂၀၂၃ ခုနှစ် ဒီဇင်ဘာလ မှ ၂၀၂၄ ဖေဖော်ဝါရီလအထိ ၃ လတာ အတွင်း လောင်းလုံးမြို့နယ် ပြည်သူ့ကာကွယ်ရေးတပ်ဖွဲ့ – LLPDF ဆေးဘက်ဆိုင်ရာအဖွဲ့က အမျိုးသား ညီညွတ်ရေးအစိုးရ NUG ၊ ပြည်သူ့ကာကွယ်ရေးအဖွဲ့စည်းများညှိနှိုင်းရေး ဗဟိုကော်မတီ နှင့် ပြည်တွင်းပြည်ပထောက်ပို့ ရဲဘော်များ၏ ထောက်ပံ့ ပံ့ပိုးမှုများနှင့်အတူ ၂၃၂၇ ဦးကို ကူညီ စောင့်ရှောက်နိုင်ခဲ့ခြင်းဖြစ်ကြောင်း သိရှိရသည်။
