နန်းမားဘူတာတွင် ၃ နှစ်ကျော်ကြာ ရပ်ထားသည့် ခရီးသည်တင် မီးရထားတွဲများ မီးလောင်ပျက်စီး
ရန်ကုန်၊ မတ် ၂၁
ကချင်ပြည်နယ်၊ မိုးညှင်းမြို့နယ်၊ မန္တလေး- မြစ်ကြီးနား မီးရထားလမ်း၊ နန်းမားဘူတာတွင် ၃ နှစ်ကျော်ကြာရပ်နားထားသည့် ခရီးသည်တင် မီးရထားတွဲများ မီးလောင်ပျက်စီးသွားကြောင်း ဒေသပြည်သူများထံမှ သိရှိရသည်။
မတ်လ ၂၀ ရက်နေ့ ညနေ ၅ နာရီ ၄၅ မိနစ်အချိန်တွင် ရပ်နားထားသည့် ခရီးသည်တင် မီးရထားတွဲများ စတင်မီးလောင်ခဲ့ခြင်းဖြစ်ပြီး ၊ ပေါ့ဆမီးကြောင့် မီးလောင်ကျွမ်းရသည်ဟု ယူဆရကြောင်း ဒေသပြည်သူများက ပြောကြားသည်။
“မီးရထား တိုင်းအမှတ် ၁ နန်းမားဘူတာ ရထားမပြေးဆွဲဘဲရပ်ထားတာ။ ရပ်ထားတဲ့ တွဲဆိုင်းတွေက ပေါ့ဆမီး လောင်တာလို့ပြောတယ်”ဟု ဒေသပြည်သူတစ်ဦးက ရန်ကုန်ခေတ်သစ်သတင်းဌာနသို့ ပြောဆိုသည်။
မီးရထားတွဲများ မီးလောင်မှုတွင် လူထိခိုက်သေဆုံးမှု မရှိကြောင်း ၊ မီးလောင်သွားသည့် မီးရထားတွဲသည် ဘူတာတွင် ရပ်နားထားသည်မှာ ၃ နှစ်ကျော်ပြီ ဖြစ်ကြောင်း သိရှိရသည်။
![](https://yktnews.com/wp-content/uploads/2024/03/433621690_772578858303056_575570748504447205_n.jpg)
![](https://yktnews.com/wp-content/uploads/2024/03/433660902_772578894969719_4807527099515649641_n.jpg)
![](https://yktnews.com/wp-content/uploads/2024/03/433588691_772578814969727_2995434558402014899_n.jpg)