တောင်ကိုရီးယားနိုင်ငံ၏ ၄၄ နှစ်မြောက် ၅.၁၈ ဂွမ်ဂျူးအရေးတော်ပုံ အောက်မေ့ဘွယ်အခမ်းအနားသို့ NUG ဝန်ကြီးများ တက်ရောက်
ရန်ကုန်၊ မေ ၁၈
တောင်ကိုရီးယားနိုင်ငံ၏ ၄၄ နှစ်မြောက် ၅.၁၈ ဂွမ်ဂျူးအရေးတော်ပုံ အောက်မေ့ဘွယ်အခမ်းအနားသို့ NUG ဝန်ကြီးများ တက်ရောက်ခဲ့ကြောင်း သိရှိရသည်။
အဆိုပါ အခမ်းအနားကို နိုင်ငံခြားရေးဝန်ကြီးဌာန ပြည်ထောင်စုဝန်ကြီး ဒေါ်ဇင်မာအောင် နဲ့ စီမံကိန်း၊ ဘဏ္ဍာရေးနှင့် ရင်းနှီးမြှုပ်နှံမှု ဝန်ကြီးဌာန ပြည်ထောင်စုဝန်ကြီး ဦးတင်ထွန်းနိုင်တို့ တက်ရောက်ခဲ့တာဖြစ်ပြီး ဒီမိုကရက်တစ်ပါတီ ဥက္ကဋ္ဌ အီဂျဲမြောင် နဲ့ ပြည်ထောင်စုဝန်ကြီးတွေ အကြား ရင်းနှီးစွာနှုတ်ဆက် ပြောဆိုခဲ့ ကြကြောင်းသိရှိရသည်။
၄၄-နှစ်မြောက် ဂွမ်ဂျူးပြည်သူ့အရေးတော်ပုံ အောက်မေ့ဘွယ် အလေးပြုအခမ်းအနားကို ကိုရီးယားနိုင်ငံ သမ္မတ ယွန်းဆော့ယောလ်၊ အစိုးရအဖွဲ့ဝင်များ၊ အတိုက်အခံ ဒီမိုကရက်တစ်ပါတီ ဥက္ကဋ္ဌ အီဂျဲမြောင်၊ လွှတ်တော်အမတ်များ၊ နိုင်ငံရေးနှင့် လူထုအဖွဲ့အစည်းများ၊ ၂၀၂၄ ခုနှစ် ဂွမ်ဂျူးလူ့အခွင့်ရေးဆုရှင် သီရိ လင်္ကာနိုင်ငံမှ Suganthini Mathiyamuthan Thangarasa နဲ့ နိုင်ငံတကာမှ ကိုယ်စားလှယ်များ တက် ရောက်ခဲ့ကြပြီး သမ္မတယွန်းက မိန်းခွန်းပြောကြားခဲ့ကြောင်းသိရှိရသည်။
![](https://yktnews.com/wp-content/uploads/2024/05/436120826_808115894749352_640254264236833985_n.jpg)
![](https://yktnews.com/wp-content/uploads/2024/05/442471924_808115641416044_8926054989133421599_n.jpg)
![](https://yktnews.com/wp-content/uploads/2024/05/436345075_808115994749342_297804506023701648_n-1.jpg)