ရေဦးတွင် အမှတ် ၇ စစ်မြေပြင် ဆေးတပ်ရင်းမှ တပ်သား ၁ ဦး လက်နက် ယူဆောင်လာပြီး အလင်းဝင်၊ ငွေကျပ် သိန်း ၅၀ ချီးမြှင့်
ရန်ကုန်၊ မေ ၁၈
စစ်ကိုင်းတိုင်း၊ ရေဦးမြို့တွင် အမှတ် ၇ စစ်မြေပြင် ဆေးတပ်ရင်းမှ တပ်သား ၁ ဦး လက်နက် ယူဆောင်လာပြီး အလင်းဝင်လာသောကြောင့် ငွေကျပ် သိန်း ၅၀ ချီးမြှင့်ခဲ့ကြောင်း ရေဦးမြို့နယ်-ပြည်သူ့ကာကွယ်ရေးအဖွဲ့ထံမှ သိရသည်။
မေလ ၁၅ ရက်နေ့ နံနက်ပိုင်းတွင် အမှတ် ၇ စစ်မြေပြင်ဆေးတပ်ရင်းမှ တပ်သား ၁ ဦးသည် MA-1 သေနတ် ၁ လက် ယူဆောင်လာပြီး ရေဦးမြို့နယ်-ပလဖ အဖွဲ့ထံ အလင်းဝင်ရောက်ခဲ့ကြောင်း သိရှိရသည်။
အဆိုပါ အလင်းဝင်လာသော စစ်ကောင်စီ တပ်သားကို ရေဦးမြို့နယ်-ပလဖ အဖွဲ့ က ဆုကြေးငွေ သိန်း ၅၀ ချီးမြှင့်ခဲ့ကြောင်း သိရသည်။
