ထိုင်းနိုင်ငံ ဘန်ကောက်မြို့တွင် လူထုခေါင်းဆောင် ဒေါ်အောင်ဆန်းစုကြည် ၇၉ နှစ်ပြည့်မွေးနေ့အကြို အခမ်းအနားနှင့် ရန်ပုံငွေဘောလုံးပြိုင်ပွဲ ပြုလုပ်
ရန်ကုန်၊ ဇွန် ၁၇
ထိုင်းနိုင်ငံ ဘန်ကောက်မြို့ အေကချိုင်ဘန်းဘော76/1ဘောလုံးကွင်းတွင် လူထုခေါင်းဆောင် ဒေါ်အောင်ဆန်းစုကြည် ၇၉ နှစ်ပြည့်မွေးနေ့အကြို အခမ်းအနားနှင့် ရန်ပုံငွေဘောလုံးပြိုင်ပွဲကို ပြည်ပြည်ဆိုင်ရာ ပဲခူးတိုင်းအသင်းက ကြီးမှူး၍ ပြုလုပ်ခဲ့ကြောင်း သိရှိရသည်။
ဇွန်လ ၁၆ ရက်နေ့ နံနက် ၈ နာရီမှ ည ၈ နာရီကျော်အထိ ဘောလုံးအသင်း ၂၄ သင်း ဝင်ရောက်ယှဉ်ပြိုင်ခဲ့ကြခြင်း ဖြစ်ကာ ရရှိသည့် ရန်ပုံငွေများကို ပဲခူး Federal School နှင့် လိုအပ်သည့် နေရာများသို့လှူဒါန်းသွားမည် ဖြစ်ကြောင်း၊ အဆိုပါ ပွဲသို့ မြန်မာပြည်သူ ၇၀၀ ခန့် တက်ရောက်ခဲ့ကြောင်း သိရှိရသည်။
