ဆန်ဖရန်စစ္စကိုမြို့တွင် ၁၃၄ ကြိမ်မြောက် ဆန်ဖရန်စစ္စကို မြေပြင်လူထုသပိတ်တိုက်ပွဲ ပြုလုပ်
ရန်ကုန်၊ ဇူလိုင် ၂၁
အမေရိကန်ပြည်ထောင်စု၊ ကယ်လီဖိုးနီးယားပြည်နယ်၊ ဆန်ဖရန်စစ္စကိုမြို့တွင် Free Burma Action Committee-Northern California ဦးဆောင်၍ “အဆုံးသတ်တိုက်ပွဲကို အာဇာနည်တွေသွေးနဲ့ ရေးထိုးကြ” ဆိုသည့်ခေါင်းစဉ်ဖြင့် ၁၃၄ ကြိမ်မြောက်အဖြစ် ဆန်ဖရန်စစ္စကို မြေပြင်လူထုသပိတ်တိုက်ပွဲကို ဇူလိုင် ၂၀ ရက်နေ့တွင် ပြုလုပ်ခဲ့ကြောင်း သိရှိရသည်။
လူထုသပိတ်တိုက်ပွဲကို တက်ကြွသော ကျောင်းသူကျောင်းသားများ၊ နွေဦးတော်လှန်ရေးအင်အားစုများ၊ထောက်ပို့ပြည်သူများမှ ညီညီညွတ်ညွတ် အတူတကွ ဆန္ဒထုတ်ဖေါ်ခဲ့ကြခြင်းဖြစ်ကြောင်း သိရှိရသည်
