ပုသိမ်ကြီးမြို့နယ်၊ ကင်မွန်ဂျောင်ရွာ ပျူစောထီး မြတ်နိုး ပစ်ခတ်ခံရပြီးသေဆုံး၊ တောစုရွာ အုပ်ချုပ်ရေးမှူး နေအိမ်ကိုလည်း ဝင်ရောက် စီးနင်းပြီး ဆိုင်ကယ်နှင့်ဖုန်းများကို သိမ်းဆည်း
ရန်ကုန်၊ ဇူလိုင် ၂၆
မန္တလေးတိုင်း၊ ပုသိမ်ကြီးမြို့နယ်၊ ကင်မွန်ဂျောင်ရွာ ပျူစောထီး မြတ်နိုးကို ပစ်ခတ် တိုက်ခိုက်ရာ သေဆုံးခဲ့ကြောင်း ပုသိမ်ကြီးမြို့နယ် ပြည်သူ့ကာကွယ်ရေး အဖွဲ့က ပြောဆိုသည်။
ဇူလိုင်လ ၂၅ ရက်နေ့ ည ၁၁ နာရီ ၃၀ မိနစ်ခန့်တွင် ပုသိမ်ကြီးမြိုနယ် ၊ ကင်မွန်ဂျောင် ရွာ မှ အကြမ်းဖက် စစ်တပ် ထောက်တိုင် ပျူစောထီး မြတ်နိုး ဆိုသူကို ပုသိမ်ကြီးမြို့နယ် ပကဖ မှ တော်လှန်ရေး ရဲဘော်များက ပစ်ခတ် တိုက်ခိုက်ရာ သေဆုံးခဲ့ကြောင်း သိရသည်။
အဆိုပါ ပျူစာထီး မြတ်နိုးထံမှ ဓါးရှည် ၁ လက် ၊ ဂတ်စ် သေနတ် ၁ လက် နှင့် ဖုန်း ၁ လုံး တို့ သိမ်းဆည်း ရရှိခဲ့ကြောင်း သိရှိရသည်။
ထို့ပြင် တောစုကျေးရွာ အုပ်ချုပ်ရေးမှူး နေအိမ်ကိုလည်း တော်လှန်ရေး ရဲဘော်များက ဝင်ရောက် စီးနင်းခဲ့ပြီး ၎င်း၏ သားဖြစ်သူသာ နေအိမ်တွင်ရှိနေသောကြောင့် အုပ်ချုပ်ရေးမှူး ပိုင်ဆိုင်သော ဆိုင်ကယ် ၃ စီး နှင့် ဖုန်း ၃ လုံး အား သိမ်းဆည်းခဲ့ကြောင်း သိရသည်။
ပုသိမ်ကြီးမြိုနယ် အတွင်းရှိ ပြည်သူကို အကြမ်းဖက် စစ်ကောင်စီ အလိုကျ ဖမ်းဆီးပြီး အကြမ်းဖက် နှိပ်စက်နေသော စစ်တပ် ထောက်တိုင် ပျူစောထီးများ၊ အုပ်ချုပ်ရေးမှူးများကို ဆက်လက် တိုက်ခိုက်သွားမည်ဟု ပုသိမ်ကြီးမြို့နယ် ပကဖ က အသိပေး ထုတ်ပြန်ထားသည်။
