ရန်ကုန်၊ ဩဂုတ် ၁
စစ်ကိုင်းတိုင်း၊ ဆားလင်းကြီးမြို့နယ်၊ ညောင်ပင်ကြီးကျေးရွာရှိ စစ်ကောင်စီတပ်ဂိတ်စခန်းကို တိုက်ခိုက်ရာ စစ်ကောင်စီတပ်ဖွဲ့ဝင် ၆ ဦးသေဆုံးပြီး သေနတ် ၄ လက်ရရှိကြောင်း ဆားလင်းကြီးမြို့နယ်၊ ပြည်သူ့ကာကွယ်ရေးအဖွဲ့၊ လက်ရုံးတပ်ဖွဲ့က ရန်ကုန်ခေတ်သစ်သတင်းဌာနထံသို့ ပြောဆိုသည်။
ဇူလိုင်လ ၃၁ ရက်နေ့ ညနေ ၄ နာရီ ၂၀ မိနစ်အချိန် ယင်းမာပင်ခရိုင်၊ ဆားလင်းကြီးမြို့နယ်၊ ညောင်ပင်ကြီးကျေးရွာ စစ်ကောင်စီတပ်ဂိတ်ကို ဆားလင်းကြီးမြို့နယ် ပကဖ လက်ရုံးတပ်ဖွဲ့က ဝင်ရောက်ပစ်ခတ်ရာ စစ်ကောင်စီတပ်ဖွဲ့ဝင် ၆ ဦးသေဆုံးခဲ့ပြီး ၁ ဦးဒဏ်ရာရရှိကြောင်း သိရှိရသည်။
ထို့ပြင် စစ်ကောင်စီတပ်ဖွဲ့များ၏ သေနတ် ၄ လက်ကိုလည်းရရှိပြီး သေနတ်အမျိုးအစားများမှာ G3 ၃ လက်နှင့် အူဇီ ၁ လက် တို့ ဖြစ်ကြောင်း၊ တိုက်ပွဲဖြစ်ပွားချိန် ၁၅ မိနစ်ဝန်းကျင်ကြာမြင့်ခဲ့ကြောင်း၊ တော်လှန်ရေးတပ်များဘက်မှ အထိအခိုက် မရှိကြောင်း သိရှိရသည်။
#မြန်မာ့နွေဦးတော်လှန်ရေး #ykt #yktnews #khitthitmedia #myanmar #media #burmese #foryou #foryoupage #NUG #springrevolution #KhitThitMedia #springrevolutionmyanmar2021 #PDF #againstmyanmarmilitarycoup #rejectmilitarycoupmyanmar
